SON DƏQİQƏ

Azərbaycan Yazıçılar Birliyində Sivas YB-nin təşkilatçılığı ilə Türkiyədə çap olunan "Şairler Seçkisi-10" (seir Antolojisi) kitabı ictimaiyyətə, geniş oxucu kütləsinə təqdim olunmuşdur.

Emtv.az xəbər verir ki, Sivas YB-nin Azərbaycan təmsilçisi, jurnalist-şairə Aygün Hüseynlinin təşkilatçılığı ilə keçirilən tədbirdə Azərbaycanın tanınmış yazarları, şairlər, görkəmli elm və incəsənət xadimləri, o cümlədən də “Esmamedia TV" internet kanalının əməkdaşları da iştirak etmişdilər.

Qonaqları salamlayan hacı xanım Aygün Hüseynli tədbiri açmaq üçün sözü ilk olaraq Nazirlər Kabineti yanında itgi və təlafatların qiymətləndirilməsi üzrə işçi qrupunun rəhbəri, Azərbaycan Yazarlar və Jurnalistlər Birliyinin üzvü, Şair-Publisist Firdovsi Kazımova vermişdir.

Tədbiri giriş sözü ilə açan Firdovsi Kazımov Azərbaycan və Türk xalqları arasında tarixi-etnik bağlılıq, yenilməz dostluq əlaqələrinin olduğunu bir daha önə çəkmiş və bu əsasda xalqlarımız arasında mədəni-ədəbi əlaqələrin dahada inkişaf etdirilməsinin vacibliyini vurğulamışdır.

Natiq xüsusi olaraq qeyd etmişdir ki, Türkiyə Cümhuriyyətinin Prezidenti Rəcəb Tayyib Ərdoğan və Azərbaycan Respublikasının prezidenti cənab İlham Əliyevin ölkələrimiz arasında dostluq və qardaşlıq əlaqələrinin daha da möhkəmləndirilməsi zəminində göstərdikləri səylər bu xüsusda hər birimiz üçün ən gözəl örnəkdir.

Daha sonra çıxış edənlər sırasında söz alan "Azərbaycanın Səsi" ictimai birliyinin sədri, Azərbaycan Jurnalistlər Birliyinin və İraq-Türkmən Yazarlar Birliyinin üzvü, tanınmış yazıçı publisist, xeyriyyəçi Məşhədi Faiq Əhmədov tədbir iştirakçılarına öz ürək sözlərini söyləmiş və onlara müəllifi olduğu “Qalx Ayağa Azərbaycan” şeirindən bir parçanı oxumuşdur.

Tədbiri yüksək səviyyədə təşkil etdiyinə görə isə hacı xanım Aygün Hüseyinliyə "Azərbaycanın Səsi" ictimai birliyinin kollektivi adından Faiq Əhmədov “Xan Qızı Natəvan” mükafatını və gül dəstəsi də hədiyyə etmişdir.

Onuda qeyd edək ki, söz alan digər qonaqlar da çıxış edərək öz fikirlərini bildirmiş bu kimi tədbirlərin keçirilməsinin vacibliyini qeyd etmişdilər.

Tədbir işgüzar anlaşma şəraitində keçirilmişdir və sonda qonaqlarla xatirə şəkilləri çəkilmişdir.

Hazırladı: Nur Ayxan;
Çəkiliş və Fotolar: Zakir Müslünova məxsusdur.
Emtv.az