SON DƏQİQƏ

“Transatlantik münasibətlərdə struktur dəyişiklikləri baş verməkdədir. Qurumda baş verən proseslər Trampdan sonra da aradan qalxmayacaq. Almaniya, xüsusilə də Avropanın da bu strategiyaya hazır olması lazımdır”.

Emtv.az xəbər verir ki, bu fikri Almaniyanın xarici işlər naziri Heyko Maas DPA agentliyinə deyib.

ABŞ-da qəbul edilən bəzi qərarların ancaq “Tvitter”dən xəbər tutmaq mümkün olduğunu qeyd edən almaniyalı nazir deyib ki, hətta ABŞ-dakı bəzi adamların da Ağ Evin qəbul etdiyi qərarlardan ancaq “Tvitter”dən xəbər tuturlar.

H.Maas deyib ki, əvvəllər ABŞ-la münasibətlər tam fərqli olub və bütün önəmli məsələlər barədə qərar ciddi müzakirələrdən sonra verilib, indi isə artıq belə müzakirələr azalıb.

Almaniyalı nazir Avropa İttifaqının (Aİ) ABŞ-a qarşı daha etibarlı müdafiəsini vacibliyini qeyd edib: “Biz avropalılar, “Tvitter”dən paylaşılan xəbərin səhərisi gün ilanın ağzındakı dovşan kimi oturub nə edəcəyi vəziyyəti gözləmək lazım deyil”.

İsmayil İsmayilov
Emtv.az