SON DƏQİQƏ

Ermənistan hərbçiləri Suriyada Bəşər Əsəd qoşunlarının tərkibində silahlı müxalifətə qarşı döyüşəcək.

Emtv.az xəbər verir ki, bunu Ermənistan Politoloqlar Assosiasiyasının sədri Amayak Ovanisyan erməni mediasına açıqlamasında deyib.

Onun sözlərinə görə, Nikol Paşinyan hakimiyyətə gəldiyi ilə günlərdə anti-Rusiya mövqe sərgiləsə də, nəticədə bu mövqedən geri çəkilərək Moskvanın dediklərini qəbul edib.

“Nəticədə Ermənistan NATO-nun hərbi təlimlərində iştirakdan imtina etdi. Əvəzində isə Ermənistan ordusunun hərbçiləri Rusiya Silahlı Qüvvələri tərkibində Suriyada Bəşər Əsəd rejiminin əleydarlarına qarşı hərbi əməliyyatlarda iştirak edəcək. Artıq bununla bağlı məsələ həllini tapıb. Bu cür biabırçı formada geri çəkilib Rusiyanın şərtlərini qəbul edəcəkdinsə, onda niyə zamanında məsuliyyətsiz çağırışlar edib, bəyanatlar verirdin? Viktor Hüqonun qəhrəmanlarından biri əbəs yerə deməyib ki, nə zaman inqilabçı Qora reallıq hissini itirəndə, ondan qorxaq siçan doğur”- Amayak Ovanisyan belə deyib.

Qeyd edək ki, bu ermənilərin Suriyada Bəşər Əsəd səflərində döyüşməsi ilə bağlı ilk fakt deyil. Dünyanın nüfuzlu media orqanlarında ermənilərin Hələb və başqa şəhərlərdə mülki müsəlmanlara qarşı qətliam törətməsi barədə dəfələrlə məlumatlar, fotolar, video görüntülər yayılıb.

Aysu Əliyeva,
Emtv.az