SON DƏQİQƏ

Suriya dövlət başçısı Bəşər Əsəd Türkiyənin Afrində apardığı “Zeytun budağı” əməliyyatıma qarşı rejimə məxsus hərbçiləri göndərəcəyini bildirib.

Emtv.az xəbər verir ki, Əsəd Afrində YPG/PKK ilə rejim hərbçilərinin “Zeytun budağı” əməliyyatına qarşı danışıqlar apardığını etiraf edib: “Qüvvələrimizin Afrin şəhərinə daxil olması normaldır. Əcnəbilərin təhdidi müzakirə mövzusu olanda bütün birləşmələr vəhdət halında olmalıdır. Suriyadakı birləşmələrin birləşməsi lazımdır”.

Afrinin ətrafını terrorçulardan azad edən TSQ və ASO hərbçiləri regionda apardıqları sistemli əməliyyatlar nəticəsində ətrafda olan kənd və təpələri alaraq şəhər mərkəzinə doğru irəliləyir.

Xüsusilə, Afrinin qərbində yerləşən ərazilərdə PYD/PKK-ya məxsus obyektlər məhv edilmiş, sonradan bu hədəflərin rejimə məxsus olduğu məlum olmuşdu.

Qeyd edək ki, terror təşkilatının PKK/PYD-nin liderlərindən olan Behcet Ebdo rus mətbuatına verdiyi açıqlamada Türkiyə Silahlı Qüvvələrinin Afrində rejimə məxsus hədəflərin vurulmasını təsdiqləyib.

Əsəd əsgərlərinin Afrində terrorçulara yardım etmək üçün gəldiyini təsdiqləyən Edho, TSQ-ya bağlı təyyarələrin bombardımanı nəticəsində 48 əsgərin öldüyünü bildirib.

“Afrinə yardım üçün gələn Suriya hökumət qüvvələrində ölənlər və yaralılar var. Türkiyənin hücumları nəticəsində indiyə qədər 48 nəfər Əsəd əsgəri Afrində öldü”-Behcet Ebdo belə deyib.

Suriyada terrorun bitməməsi üçün hər gün fərqli planlar həyata keçirilir. Daha əvvəl YPG üçün “vətən xaini” ifadəsi işlədən Suriya dövlət başçısı Bəşər Əsəd xain dediyi YPG-li terrorçularla ittifaq yaradıb. İttifaqın olması daha əvvəl YPG terrorçuları və rejim tərəfdarları tərəfindən təkzib edilsə də, artıq gizləmirlər.

Emtv.az