SON DƏQİQƏ

İranın xarici işlər naziri Məhəmməd Cavad Zərif ABŞ-ı ölkədə dövlət çevrilişi etməkdə ittiham edib.

Emtv.az xəbər verir ki, Zərif Tvitter səhifəsində ABŞ Dövlət Departamentində İrana sanksiyaların tətbiqinə nəzarət edəcək xüsusi işçi qrupun yaradılmasını İranda dövlət çevrilişinə hazırlıq məqsədi daşıması kimi dəyərləndirib.

“ABŞ hələ 65 il bundan öncə İranda demokratik yolla xalq tərəfindən seçilən Müsəddiqin hakimiyyətini devirməklə, ölkədə diktaturanı bərpa etməklə xalqı daha 25 il bu diktatura rejimində yaşamağa vadar etdilər. Dövlət Departamentinin işçi qrup yaratmaq təşəbbüsü də həmin məqsədə xidmət edir. Dezinformasiya, demaqogiya və təzyiq yolu ilə buna etməyə çalışırlar. Lakin onların bu cəhdləri alınmayacaq” -nazir Tvitter səhifəsində yazıb.

Avqustun 16-də Dövlət Departamenti İran siyasəti ilə bağlı fəaliyyətini koordinasiya etmək üçün xüsusi işçi qrup yaratdığını elan edib və həmin qrupa ABŞ prezidentinin İran məsələləri üzrə xüsusi nümayəndəsi Brain Hook təyin edilib.

B. Hook açıqlamasında deyib ki, işçi qrupun formalaşmasının elan olunmasının 16 avqust 1953-cü ildə ABŞ və Böyük Britaniya xüsusi xidmət orqanlarının birgə əməliyyatı nəticəsində islahatçı baş nazir Məhəmməd Müsəddiqin devrilməsinin ildönümü ilə üst-üstə düşməsi sırf təsadüfdür.

Sevinc Əlimova,
Emtv.az