17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
15:05 - QHT Qubada tədbir keçirdi
Avropa Komissiyası ABŞ-dan idxal olunan məhsullara 25 faiz rüsum tətbiq edib
İyunun 20-də Avropa Komissiyası Avropa İttifaqından polad və alüminium idxalına müvafiq olaraq 25 faiz və 10 faiz rüsum tətbiq edən ABŞ-ın fəaliyyətinə cavab tədbirləri planını qəbul edib.
Interfax informasiya agentliyi xəbər verir ki, Avropa Komissiyasının məlumatına əsasən, iyunun 22-dən Avropa İttifaqı ölkələrində ümumi həcmi 2,8 milyard avro olan ABŞ məhsullarına 25 faiz rüsum tətbiq olunacaq.
“Biz belə vəziyyətlə üzləşmək istəmirdik, lakin ABŞ-ın Avropa İttifaqından idxal olunan polad və alüminiuma rüsum tətbiqi barədə birtərəfli və əsassız qərarı bizə başqa çıxış yolu qoymadı, - deyə Avropa Komissiyasının ticarət məsələləri üzrə üzvü Sesiliya Malmström bildirib. – Bizim bərabər ölçülü, proporsional cavabımız Dünya Ticarət Təşkilatının qaydalarına uyğundur. Əgər ABŞ rüsumları aradan qaldırsa, bizim cavab tədbirlərimiz də ləğv olunacaq”.
Avropa İttifaqı ölkələrinin nümayəndələri yeni rüsumlara məruz qalacaq məhsulların siyahısını iyunun 14-də Brüsseldə keçirilən görüşdə razılaşdırıb. Belə məhsulların arasında “Harley Davidson” motosikletləri, “Levi Strauss” cinsləri və burbon şərabı da var. Ümumilikdə isə polad və alüminiumdan hazırlanan məhsullar, kənd təsərrüfatı məhsulları (qarğıdalı, düyü, quşüzümü), qida məhsulları (portağal şirəsi, yerfındığı yağı və tütün məmulatları), kosmetik vasitələr, geyim məhsulları, kater, yaxta və başqa məhsullar da bu siyahıya daxil edilib.
Xatırladaq ki, Avropa Komissiyası bir qədər əvvəl ABŞ-ın Avropa İttifaqından idxal olunan polad və alüminiuma tətbiq etdiyi rüsuma proporsional cavab verəcəyini bildirmişdi. Bundan başqa, komissiya ABŞ-ın fəaliyyətindən Dünya Ticarət Təşkilatına şikayət edib.
Emtv.az