SON DƏQİQƏ

“Türkiyənin İdlibdə 12 nəzarət məntəqəsi var. Bununla bağlı İran və Rusiyanı xəbərdar etmişik. Bu ərazilərə hücum olarsa, artıq siyasi görüşmələr bitər və döyüş nə qədər davam edəcəksə, bəlli olmaz. Moskva və Tehran Əsəd rejiminin qarantdıdır. Əgər anlaşma pozularsa, o zaman Astana və Cenevrə danışıqları da bitər”.

Bunu Türkiyənin xarici işlər naziri Mövlud Çavuşoğlu CNN Türk-ə açıqlamasında deyib.

Onun sözlərinə görə, Hələbdəki terrorçular İdlibə keçib.

“Ona görə də buəraziləri teroroistlərdən təmizləmək lazımdır. Lakin bu pozuntulara da son vermək lazımdır”, – Çavuşoğlu bildirib.

Çavuşoğlu əlavə edib ki, İdlibi və digər bölgələr terror təşkilatlarının nəzarətinə buraxılsa, o zaman heç bir yerdə sabitliyi bərpa etmək mümkün olmayacaq.

Emtv.az