SON DƏQİQƏ

“2017-ci ildə biz bu məsələni qaldırdıq.

Düzdür, manatın dayanıqlılığı çox gözəldir.

Ancaq məsələ qaldırıldı ki, Azərbaycanda banklarda kredit faizi çox yüksəkdir. Vətəndaşlar bundan səmərəli istifadə edib, yeni iş yerləri yarada bilmirlər”.

Emtv.az xəbər verir ki, bu barədə Milli Məclisin deputatı Siyavuş Novruzov parlamentin plenar iclasında 2017-ci il dövlət büdcəsinin icrası ilə bağlı çıxış edərkən deyib.

O bildirib ki, Azərbaycanda orta və kiçik sahiblarlıq kreditlərdən yararlana bilmir ki, oradan da dövlət büdcəsinə vergi ödənilsin və büdcə artsın: “2018-ci ildə hansı işlər görülür bu faiz dərəcələri aşağı düşsün və insanlar kredit ala bilsin? Yaxşı hallardan biri ondan ibarətdir ki, prezident İlham Əliyev tərəfindən həm şəhid ailələrinə, həm də əlillərə müavinətlərin ödənilməsi ilə bağlı sərəncam imzalandı. Ancaq bununla yanaşı, digər bu qəbildən olan məsələlər var ki, onlar da öz həllini tapmalıdır”.

Emtv.az