SON DƏQİQƏ

Türkiyə prezidenti Rəcəb Tayyib Ərdoğan bugünkü çıxışında regionda baş verən hadisələrə münasibət bildirib.

Emtv.az xəbər verir ki, Ərdoğan Fransa prezidenti Makronun YPG/PKK terror təşkilatının daxil olduğu SDQ ilə Türkiyə arasında vasitəçilik etmək təklifini rədd edərək, bunu həddini aşan bəyanata adlandırıb.

“Son dövrlər Fransanın səhv saydığımız mövqeyindən dolayı təəssüf hissi keçiririk. Keçən həftə Makron ilə şəxsən görüşdük. Baxdım, qəribə-qəribə şeylər deyir. Dozası bir az artıq oldu, amma demək məcburiyyətində qaldıq. Keçmişdən bəri ölkələrində sərbəst şəkildə fəaliyyət göstərən terror təşkilatı üzvlərini dünən bir daha qonaq kimi qəbul edənlər bunun düşmənçilikdən başqa mənaya gəlmədiyini bilməlidir.

Ey Qərb, SDQ dediyiniz bu təşkilat terror təşkilatının eynisidir. Bunlarla sizi bizi aldatmağa çalışırsınız. Bunları bizə uddura bilməzsiniz. 24 saatda bir adlarını dəyişdirsələr, biz bunları bilirik. “YPG-yə dəstək təminatı verdik…” İfadəyə bax. Türkiyə ilə SDQ arasında vasitəçi ola bilərik ifadəsi həddini aşan bəyanatdır. Türkiyənin vasitəçiyə ehtiyacı yoxdur. Türkiyənin nə vaxtdan bəri terror təşkilatları ilə bir masada oturmaq kimi problemi var? Haradan çıxardınız bunu? Türkiyə terror ilə mübarizəni Afrində olduğu kimi aparar”.

Emtv.az