SON DƏQİQƏ

ABŞ-ın Kanzas ştatındakı Rayli şəhərinin sakini, 6 övlad anası Cessika Hoqan ötən ilin iyulunda sonbeşiyini, Maks adlı oğlunu dünyaya gətirmişdi.

Cessika o doğuşun fotolarını indi paylaşıb.

Sən demə, ailənin 6-cı övladı, yeganə oğlu dəhlizdə doğulubmuş.

Emtv.az BuzFeed-ə istinadən bildirir ki, Maka hamilə olan Cessika gecənin bir aləmində kəskin ağrılar hiss etmişdi. Qadın doğuş ağrılarının başladığını anlamışdı.

Əri Trevis onu Manhettendəki "Via Christi Hospital" aparmışdı.

Səhər saat 3 idi. Trevis hamilə xanımı Cessika ilə hospitalın dəhlizində idilər. Onlar doğuş bölməsinə gedirdilər.

Qəflətən ağrılar kəskinləşib və Cessika doğuşun başladığını anlayıb.

"Trevis, tut onu!" qışqıran Cessika yerə çöküb.

Qadın beləcə, dəhlizdə doğub, sonbeşiyi Maksı dünyaya gətirib. Beş bacının qardaşı Maksın doğuşunu atası Trevis qəbul etmişdi.

Səs-küyə gələn tibb bacıları Trevislə Cessikaya yardım ediblər.

Maks indi sağlam uşaqdır və ailənin sevimlisidir.

Emtv.az