SON DƏQİQƏ

ABŞ Maliyyə Nazirliyi sanksiyalar altına düşə biləcək Rusiya rəhbərliyinə yaxın şəxslərin adı keçən “Kreml hesabatı”nı dərc edib.

Emtv.az xəbər verir ki, siyahıya 210 nəfər daxil olub. Onlardan 114 nəfəri siyasətçi, 96-ı biznesmendir. Siyahıya düşmək avtomatik şəkildə sanksiya tətbiqi anlamına gəlmir, lakin bu daha sonra baş verə bilər. Hesabatın müəllifləri siyasətçi və oliqarx siyahısını “açıq mənbələrdən götürülmüş obyektiv meyarlar” əsasında tərtib etdiklərini deyirlər.

Siyahıda Rusiya hökumətinin bütün üzvləri, o cümlədən baş nazir Dmitri Medvedevin adı göstərilib. Həmçinin federal nazirlərin adları və xarici işlər naziri Sergey Lavrovun adı var.

Adı düşənlər arasında Duma və Federasiya Şurasının spikerləri Vyaçeslav Volodun və Valentina Matviyenki, dövlət şirkətlərinin rəhbərləri: Rusiya Dəmiryollarının baş direktoru Oleq Belozerov, “Aeroflot” başçısı Vitali Savelyev, Vahid Aviatikinti Korporasiyasının prezidenti Yuri Slyusar, Rostexin sədri Sergey Çemezov, Rosseteyin sədri Oleq Budarqin, Rosatomun baş direktoru Aleksey Lixaçev, Rushidronun başçısı Nikolay Şulqinov da var.

Sənədə Sergey Narışkinin, prezidentin xüsusi nümayəndəsi Sergey İvanovun, Təhlükəsizlik Şurasının katibi Nikolay Patruşevin, müdafiə nazirinin birinci müavini Baş Qərargah rəisi Baleri Gerasimovun, “QRU” sədri İqor Korobovun, Təhlükəsizlik Şurasının katibinin müavini Raşid Nurqaliyevin də adı var.

“Kreml hesabatı”na Sankt-Peterburq qubernatoru Georgi Poltavçenko, Moskva meri Sergey Sobyanin, baş prokuror Yuri Çayka, İstintaq Komitəsinin Aleksandr Bastırkin, Rusiya Federal Mühafizə Xidmətinin direktoru Dmitri Koçnev, FTB direktoru Aleksandr Bortnikovun da adı var.

Siyahıya Putinin prezident administrasiyasının bütün rəhbərliyi, o cümlədən mətbuat katibi Dmitri Peskovun adı daxil edilib.
Sənəddə Rusiya prezidentinin hakimiyyət orqanlarındakı bu nümayəndələrinin adları əksini tapıb: Artur Muravyev, Qarri Minx, Mixail Krotov, Anna Kuznetsova, Boris Titov, Mixail Babiç, Aleksandr Beqlov, Oleq Belaventsev, Aleksey Qordeyev, Sergey Menyaylo, Yuri Trutnev, Vladimir Ustinov, İqor Xolmanskix, Aleksandr Manjosin, Vladimir Çernov, Oleq Qovorun.

Emtv.az