SON DƏQİQƏ

Türkiyənin Rusiya ilə imzaladığı S-400 raket sistemlərinin satışı ilə bağladığı müqavilənin detalları ortaya çıxmağa başlayır.

Emtv.az xəbər verir ki, Türkiyə təkcə öz ehtiyacını ödəyə bilmək məqsədi ilə paket satış sistemi deyil, həm də özünə uyğun sistemlərdə dəyişiklik edə biləcəyi raket sistemləri alacaq. Bu sistemlərin alış qiymətini daha da artırır.

Sistemlərin “dost-düşmən tanıma” proqramının Türkiyə üçün yenidən yazılması üçün Rusiyanın kodları verməsi vacibdir.

S-400-lərin NATO baxımından ən həssas nöqtəsi “dost-düşmən tanıma” proqramıdır. Bir çox NATO rəsmisi inteqrasiyanın mümkün olmayacağını deyərək, raket sistemləri vasitəsilə müttəfiqlərə dair məlumatların Rusiyanın əlinə keçməsindən ehtiyatlanırlar.

Ancaq Türkiyə müdafiə naziri Nurəddin Canikli “dost-düşmən tanıma” proqramının dəyişdiriləcəyini, bununla bağlı işlərin davam edəcəyini deyib. Proqramın dəyişdirilməsi ilə Türkiyə NATO-ya inteqrasiya olunmadan, kiçik miqyasda olsa da, yalnız öz sistemlərinə məxsus bir proqramla işləyən raket sistemlərini sınaqdan keçirmiş olacaq.

Türkiyə Rusiya ilə yanaşı italyan-fransız birgə şirkəti olan EUOROSAM və ABŞ-ın “Patriot”ları ilə də bağlı görüşlər keçirir.

Emtv.az