SON DƏQİQƏ

NATO hərbi komitəsinin başçısı general Petr Pavel Rusiyadan S-400 zenit-raket sistemlərinin alınması ilə bağlı Türkiyəyə xəbərdarlarıq edib.

Emtv.az xəbər verir ki, bu barədə “Defense News” nəşri yazıb. Generalın sözlərinə görə. Komplekslərin satın alınması Ankaranın alyansın vahid HHM sisteminə inteqrasiyası imkanın istisna edəcək.

“Suverenlik prinsipi, təbii ki, hərbi texnikanın satın alınması zamanı işlənir, ölkələr öz qərarlarının qəbulunda olduğu kimi, verdikləri qərarın gələcəkdəki nəticələri məsələsində suverendir. Lakin S-400-lər bu ölkənin ərazisində yerləşdirilən müttəfiqlər üçün çətinliklər yarada bilər” – Pavel jurnalistlərin sualına belə cavab verib.

Generalın fikrinə görə, Türkiyənin NATO-dakı müttəfiqləri Ankara və Moskva arasında bağlanacaq müqavilənin final mərhələsinədək ağıllı müzakirə apara bilər və narahatlıq yaradan məsələləri müzakirə edə bilərlər.

Xatırladaq ki, Türkiyə prezidenti Rəcəb Tayyib Ərdoğan 12 sentyabrda S-400 raketlərinin alınması ilə bağlı Ankara və Moskva arasında müqavilənin artıq bağlandığını demişdi.

Emtv.az