SON DƏQİQƏ

Dağlıq Qarabağ münaqişəsi ilə bağlı ciddi irəliləyiş haqda hələ danışmaq olmaz.

Emtv.az xəbər verir ki, bu bəyanatla Ermənistan xarici işlər naziri Edvard Nalbandyan çıxış edib.

“İrəliləyiş haqda söhbət getmir. Mən əvvəl də demişəm ki, bu prosesdə velosiped ixtira etmək çətindir. Nizamlanmanın əsas prinsipləri var, onlar masadadır. Müəyyən inkişaflar var, işçi sənədlər var. Onlar hamısı masadadır” – Nalbandyan Rusiya xarici işlər naziri Sergey Lavrovla görüşdən sonra keçirilən mətbuat konfransında belə deyib.

Nalbandyan Ermənistanın əldə olunmuş razılaşmalardan geri addım atmadığını deyib:

“Rusiya və həmsədr ölkələrlə Dağlıq Qarabağ probleminin sülh yolu ilə nizamlanmasına yönəlmiş səyləri davam etdirməyə hazırıq”.
Sergey Lavrov isə Azərbaycan və Ermənistan prezidentləri ilə görüşdə Cenevrə görüşündəki danışıqların nəticəsini faydalı adlandırıb.
“Mən çox optimist tonda danışmaq istəməzdim. Problem çətindir, bütün danışıqlarımızın təcrübəsi onu deyir ki, onlar tez başa çatmır”.

Emtv.az