SON DƏQİQƏ

Koreya Xalq Demokratik Respublikasının (KXDR) etirazlarına baxmayaraq, Amerika Birləşmiş Ştatları (ABŞ) və Cənubi Koreya birgə hərbi təlim keçirmək niyyətindədirlər. Təlimlər «Ulchi – Freedom Guardian» (UFG) kod adı altında keçiriləcək.

Vaşinqton iddia edir ki, sözügedən hərbi təlimlər Koreya yarımadasında sabitliyi saxlamağa kömək edəcək.
Təlimlərin 2 mərhələdə keçiriləcəyi gözlənilir. Birinci mərhələnin məqsədi – şərti düşmənin fəaliyyətinin həyati əhəmiyyətli obyektlərə vurduğu zərərin aradın qaldırılmasından ibarətdir.

İkinci mərhələdə – KXDR-nın təcavüzü baş verəcəyi təqdirdə, ABŞ və Cənubi Klreya ordu hissələrinin birgə fəaliyyəti məşq ediləcək.

Birgə təlimlərin keçirilməsi planları barədə bandan əvvəl Cənubi Koreyanın müdafiə nazirliyi xəbər vermişdi.
Məlumat üçün bildirək ki, 2016-cı ildə UFG təlimlərində 25 min amerikalı və 50 min Cənubi koreyalı hərbçi itirak etmişdi.

Emtv.az