SON DƏQİQƏ

Avrokubokların pley-off mərhələsinin ilk oyunlarına yekun vurulub. Emtv.az-ın apasport.az-a istinadən məlumatına görə, mərhələnin üçüncü oyun günündə Avropa Liqasının 21 görüşü baş tutub.

Bu qarşılaşmalardan sonra UEFA reytinqi açıqlanıb. Keçirilən matçlar cədvəldə iki dəyişikliyə səbəb olub. Hər iki halda geriləyən Skandinaviya təmsilçisi olub.

İsveç 24-cü pilləni əldən verib. Bu mövqeyə isə Bolqarıstan sahib çıxıb.

Finlandiya isə 37-ci yeri tərk edib. Şimallılar mövqeyini Makedoniyaya təhvil verib.

Azərbaycan isə 22-ci yerdə qalıb. Cari mövsümdəki qazancımız 2,875-di. “Qarabağ” hamıdan çox - 1,125, artıq mübarizəni dayandıran klublarımızdan “İnter” 0,750, “Zirə” 0,625, “Qəbələ” 0,375 xal əldə edib.

Son 5 mövsümə əsasən hesablanan reytinq xalımız 17,625-di. Hazırda ölkəmiz 21-ci olan Rumıniyadan 1,025 xal geridə, 23-cü olan Belarusdan 0,250 xal öndədi.

Qeyd edək ki, siyahıya İspaniya başçılıq edir – 89,498 xal.

Emtv.az