SON DƏQİQƏ

“Türkiyə, Qarabağ və bir çox digər məsələlərdə çoxlarını Putin çəkindirir.. Yoxsa siz hesab edirsiniz ki, Moskvada ancaq müstəsna şəkildə erməniyönümlü siyasi xadimlər var? Xeyr, orada Türkiyənin, Azərbaycanın də xeyli müdafiəçiləri var”.

Emtv.az xəbər verir ki, bunu Ermənistan xarici işlər nazirinin keçmiş müavini, fövqəladə və səlahiyyətli səfir Arman Navasardyan deyib.

Mətbuata açıqlamasında keçmiş nazir müavini bildirib ki, ABŞ-ın Rusiyaya tətbiq etdiyi sanksiyalar bir çox münaqişələrlə bağlı yeni vəziyyət yarada bilər. Belə ki, artıq Ermənistan ABŞ və Rusiya arasında manevr imkanlarını itirəcək.

Navasardyan jurnalistlərlə ABŞ iqtisadiyyatının daha güclü olduğunu, hərbi planda isə iki ölkənin eyni səviyyədə olduğunu vurulayıb: “ “Soyuq müharibə”dən sonra Rusiya çökmüşdü, ancaq Vladimir Putin ölkəni bu vəziyyətdən çıxardı, hərbi baxımdan ABŞ-la eyni səviyyəyə qaldırdı. Bu isə ABŞ-ın ürəyincə deyil. ABŞ-ın siyasəti birbaşa Putinə qarşı yönəlib”.

Erməni diplomatın fikrincə, sanksiyalardan sonra ağırlaşan vəziyyət fonunda Putin vəzifədən getsə, Ermənistan çətin vəziyyətlə üzləşəcək: “Moskvada Türkiyənin, Azərbaycanın də xeyli müdafiəçiləri var. Ona görə də Putin getsə, biz indiki günümüzə şükür eləməli olacağıq”.

Emtv.az