SON DƏQİQƏ

Şərur və Kəngərli rayonlarında çağırışçı gənclərin hərbi xidmətə yola salınması münasibətilə tədbirlər keçirilib.

Emtv.az azərtac-a istinadən xəbər verir ki, Naxçıvan Muxtar Respublikası Səfərbərlik və Hərbi Xidmətə Çağrış üzrə Dövlət Xidmətinin Şərur Rayon İdarəsində keçirilən tədbirdə Azərbaycan Respublikasının dövlət Himni səsləndirilib.

Sonra idarənin rəisi, palkovnik leytenant Nurlan Cəfərov tədbiri giriş sözü ilə açaraq gənclərə torpaqlarımızın keşiyində ayıq-sayıq dayanmağı hərb işinin sirlərinə mükəmməl yiyələnməyi tövsiyə edib.

Səfərbərlik və Hərbi Xidmətə Çağırış üzrə Dövlət Xidmətinin Kəngərli Rayon Şöbəsində də gənclərin həqiqi hərbi xidmətə yola salınması mərasimi keçirilib.

Şöbənin rəisi mayor Həsən Məmmədov bildirib ki, ölkəmizdə ordu quruculuğuna göstərilən dövlət qayğısı Silahlı Qüvvələrimizin hərtərəfli inkişafına və güclənməsinə səbəb olub. Bu sahədə görülən işlərin nəticəsidir ki, hazırda ölkəmizin təhlükəsizliyini etibarlı təmin edən müasir və güclü ordusu vardır.

YAP Kəngərli Rayon Təşkilatı Gənclər Birliyinin əməkdaşı Kənan Məmmədov, Müharibə, Əmək və Silahlı Qüvvələr Veteranları Təşkilatının sədri Xanlar Əhmədov, Kəngərli Rayon İcra Hakimiyyətinin nümayəndəsi Ağa Seyidov bu əlamətdar hadisə münasibəti ilə çağırışçıları və onların valideynlərini təbrik ediblər.

Sonda çağırışçılar hərbi xidmətə yola salınıblar.

Emtv.az