17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
15:05 - QHT Qubada tədbir keçirdi
Kamran Mahmudov sərbəst buraxıldı – YENİLƏNİB
Jurnalist Kamran Mahmudov Qazax Rayon Polis Şöbəsindən sərbəst buraxılıb.
Emtv.az xəbər verir ki, K.Mahmudov azadlıq-a deyib ki, son iki ildə dəfələrlə xarici ölkələrə gedib, ona hər hansı yasaq barədə məlumat verilməyib:
«Bu gün, iyunun 22-si səhər məni saxladılar. Gömrükdə dedilər ki, ölkədən çıxışıma yasaq var».
K.Mahmudovun deməsinə görə, yalnız Qazax Rayon Polis Şöbəsində onu öyrənə bilib ki, ölkədən çıxışına qadağa aprel ayında qoyulub. Qadağanı qoyan qurum isə Daxili İşlər Nazirliyidir.
Jurnalist deyib ki, məhkəməyə müraciət etmək niyyətindədir.
* * *
İyunun 22-də jurnalist Kamran Mahmudov Gürcüstana gedərkən saxlanılıb.
Bu barədə sosial şəbəkədə vəkil Cavid Rzazadə yazıb.
“Kamran Mahmudovu Gürcüstana mənimlə birlikdə gedərkən sərhəddə saxlayıb Qazax Rayon Polis İdarəsinə apardılar. İlkin olaraq deyildi ki, Kamran axtarışdadır”, – vəkil yazıb.
Vəkilin yazdığına görə, jurnalist müvəqqəti saxlanma kamerasına aparılıb.
«Kamranın üzərindən 127 manat pul, plastik kartlar və digər şəxsi əşyalar aşkar edilib götürüldü. Şəxsi axtarış hal şahidlərinin və mənim vəkil olaraq iştirakım olmadan aparıldı», – vəkil yazıb.
K.Mahmudov “Azadlıq” radiosunun Bakı ofisi bağlananadək bu radioyla əməkdaşlıq edib. O, daha sonra «Kanal 13» internet televiziyasında çalışırdı. “Azadlıq” radiosunun məlumatına görə, Qazax Rayon Polis Şöbəsindən bildiriblər «Kamran Mahmudov saxlanıb və Qazax Rayon Polis Şöbəsinə gətirilib. İndi araşdırma gedir».
Polis əməkdaşı deyib ki, K.Mahmudovun saxlanma səbəbi ölkədən çıxışına yasaq qoyulması ilə bağlıdır.
Emtv.az