SON DƏQİQƏ

Donald Trampın Respublika Günü və XXIV Beynəlxalq “Xəzər Neft və Qaz-2017” sərgi və konfransı ilə əlaqədar İlham Əliyevə ünvanladığı təbrik məktubunda Azərbaycanı Amerika Birləşmiş Ştatlarının dəyərli tərəfdaşı hesab edib və son 25 ildə qurulmuş ikitərəfli münasibətlərin daha da inkişaf etdirilməsi istiqamətində səylərin daha da gücləndirilməsini arzu edib. Bildirib ki, ABŞ Azərbaycan xalqının yanındadır və təhlükəsizlik, iqtisadi əməkdaşlıq və demokratik prinsiplər sahəsində dialoq vasitəsilə münasibətlərin daha da möhkəmləndirilməsinə sadiqdir.

Bununla bağlı mətbuata açıqlama verən politoloq Adgözəl Məmmədov bildirib ki, Donald Trampın Azərbaycana xoşməramlı məktub göndərməsinin arxasında onun keçmişdə Azərbyacan və azərbaycanlılar haqqında formalaşdığı təəssüratlar dayanır:

“Donald Trampı Azərbaycan və özəlliklə azərbaycanlılarla bağlayan yetərincə tarixi keşmiş var. Bizim bir neçə iş adamlarımızın Donald Trampla əlaqəsi yaxşıdır. Ümumiyyətlə, Trampın psixoloji portretinə baxdığımız zaman aydın olur ki, bu insa proqmativ, eyni zamanda biznes düşünmə tərzinə malik, xeyir və zərərini hesablayan, yeri gələndə riskə gedə bilən, kiməsə etimat göstərə bilən xarakterik keyfiyyətə malik siyasi şəxsiyyətdir. Eyni zamanda, Amerikada ictimai-siyasi mühitə təsir göstərə biləcək, bəzi formalaşmış təşkilatların da Azərbaycanla iş birliyi var. Azərbaycan prezidentinin həyata keçirdiyi siyasət və formalaşmış iqtisadi azad zonaların layihələrlə gündəmə gəlməsi ölkəmizdə münbit bir biznes şəriti yaradıb”.

Emtv.az