SON DƏQİQƏ

“EMTV.az”-a şikayət edən vətəndaşlar bildirirlər ki, Kürdəmir SMM-nin direktoru yerli poçt və Kapital Bank fililallarıyla birlikdə şəbəkə formalaşdırıb “Şikayətdə daha sonra bildirilir ki, biz hüquq mühafizə orqanlarından Kürdəmir rayon Əhalinin Sosial Müdafiəsi Mərkəzi direktoru Asif Abdullayev və onun işçiləri ilə bağlı təcili və təxirəsalınmaz tədbirlər görülməsini tələb edirik”. Bu baradə jam.azda bir qrup Kürdəmir rayon sakini adından Mətanət Əzizova yazıb. O bildirib ki, mərkəzin direktoru və işçiləri “qırmızı xətti” çoxdan keçiblər. Amma hüquq mühafizə orqanları və korrupsiyaya qarşı mübarizə idarəsi bu neqativ halları görməzlikdən gəlirlər. Ölkə prezidentinin məlum fərmanı ilə ünvanlı sosial yardımın verilməsi avtomatlaşdırılsa da, Kürdəmir rayon Əhalinin Sosial Müdafiəsi Mərkəzində heç nə dəyişməyib. Korrupsiya yenə də qalmaqdadır. Məgər, siz bunları görmürsünüz? Bizdə olan məlumata görə Asif Abdullayev nazirliyin yuxarı vəzifəli şəxslərinə vaxtı-vaxtında “haqq” verir. O üzdən nazirlik onun hərəkətlərinə göz yummaqda davam edir”. Mətanət Əzizova jam.azda sonra yazır ki, mərkəzin işçiləri, başda direktor Asif Abdullayev, inspektorlar Ramin Mürsəlov, Hamil Hidayətov, Nemət İsmayılov “öz yeni qaydaları” ilə işləyirlər. Və təbii ki, dəllallar da iş başındadırlar. Onların adları bizə məlumdur. Lazım gələrsə, açıqlaya bilərik”. Kürdəmir sakini bildirir ki, Asif Abdullayev öz xidməti kabinetində vətəndaşlara qarşı qeyri-etik davranışı ilə seçilir. “Tez-tez də “mən Səlim Müslümovun kadrıyam, arxamda o dayanıb mənə heç kim heç nə edə bilməz” deyərək, vətəndaşlara hədə-qorxu da gəlir. Rayonda ünvanlı sosial yardıma ehtiyacı olan bəzi aztəminatlı ailələr bir kənarda qalıb. Elə yoxsul ailələr var ki, onlar ünvanlı sosial yardım almaq üçün müvafiq sənədləri dəfələrlə yeni qaydalara əsasən Əhalinin Sosial Müdafiəsi Mərkəzinə təqdim ediblər. Amma mərkəzin işçiləri onların sənədlərində müəyyən çatışmazlıqların olduğunu bəhanə edərək, geri qaytarıblar. Halbuki rayonda yaşayışı yaxşı olsa da, ünvanlı sosial yardım alan kifayət qədər ailə var”. Şikayətçilər sonda vurğulayırlar ki, hazırda rayonda Əhalinin Sosial Müdafiəsi Mərkəzi , “Azərpoçt”-un yerli şöbəsi və Kapital Bankın filialından ibarət yeni maxinasiya şəbəkəsi formalaşıb. “Onların fəaliyyəti barədə məlumatlara sahibik və araşdırmalar aparırıq. Yaxın zamanda həmin məlumatları da izləyicilərimizə təqdim edəcəyik. Həmçinin mərkəzdə vətəndaşlara verilən birdəfəlik müavinətlər isə yalnız direktora öz yaxınlığı ilə seçilən və öz qohumu olan şəxslərə verildiyindən bu sahədə də qanunsuzluqlar baş alıb getməkdə davam edir”.
DİQQƏT!!! .Şikayətdə adı çəkilən vətəndaşların da mövqeyini izləyicilərimizə çatdırmağa hazırıq.