SON DƏQİQƏ

Çinin Hunan vilayətindəki məktəblərdən birində 8 yaşlı qız şikəst olub.

Emtv.az xarici KİV-ə istinadən bildirir ki, rəqs dərsində müəllimin həddən ziyadə tələbkarlığı nəticəsində Han Han adlı 8 yaşlı qız beldən aşağı iflic qalıb.

Yana fırlanma hərəkəti zamanı Han Han yıxılıb. Amma müəllim ona məşğələni davam etdirməyi söyləyib.

Atası qızını evə aparmağa gələndə Han Han güclü ağrıdan şikayətlənib, ayaqlarını hiss etmədiyini deyib.

Mütəxəssislərin dediklərinə görə, dərs zamanı qız onurğa sütunundan travma alıb və nəticədə ayaqları iflic olub. Həkimlər qızın ayaqlarının nə zamansa hərəkət qabiliyyətinin bərpa olacağını istisna etmirlər. Lakin ən yaxşı halda müalicə illərlə davam etməlidir.

Rəqs müəllimi isə bütün ittihamları rədd edir.

Xumar Rəsulova
Emtv.az
Paylaş.