17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
16:46 - Aygün Əliyeva: "2022-ci ili Qurumun Fəaliyyətinin İlk İli Kimi Xarakterizə Edə Bilərik" - Müsahibə
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
Məcburi dövlət sosial sığortahaqqını ödəyən hər bir vətəndaş sığorta stajı qazanmış olur
Vətəndaşlara təyin olunan pensiyanın miqdarı sığorta stajından və ödənilmiş məcburi dövlət sosial sığorta haqlarının miqdarından asılıdır.
Emtv.az xəbər verir ki, bu barədə Dövlət Sosial Müdafiə Fondunun Naxçıvan Şəhər Şöbəsi tərəfindən sığortaolunanların iştirakı ilə “Cahan Holdinq” Kommersiya Şirkətlər İttifaqında keçirilən tədbirdə danışılıb.
Tədbirdə Naxçıvan Şəhər İcra Hakimiyyətinin ərazi idarəetmə şöbəsinin müdiri İsmayıl Gülməmmədov çıxış edərək, məcburi dövlət sosial sığortasının əhəmiyyəti barədə məlumat verib.
Fondun Naxçıvan Şəhər Şöbəsinin müdiri Vüsal Məmmədzadə çıxışında qeyd edib ki, hər bir vətəndaş ahıl dövrünün maddi təminatının məsuliyyətini əmək fəaliyyəti göstərdiyi vaxtdan düşünməli, işlədiyi dövrlər üçün işəgötürən tərəfindən məcburi dövlət sosial sığorta haqlarının tam miqdarda ödənilməsinə şəxsən maraqlı olmalıdır.
Bildirilib ki, sığortaolunanın pensiyasının məbləği birbaşa onun əmək fəaliyyəti dövründə ödədiyi məcburi dövlət sosial sığorta haqlarının məcmusundan asılıdır. Sığortaolunanın fərdi şəxsi hesabında toplanan pensiya kapitalı çox olarsa, onda onun əmək pensiyasının məbləği də artacaqdır.
Tədbirdə fondun Naxçıvan Şəhər Şöbəsinin gəlirlər sektorunun müdiri Asim Cəfərov sığorta-pensiya sisteminin xüsusiyyətlərindən danışıb. Qeyd olunub ki, məcburi dövlət sosial sığorta haqları fondun internet səhifəsində onlayn ödəmə bölməsinə daxil olmaqla plastik bankomat kartlarla, banklarda nağd qaydada onlayn ödəniş yolu ilə və yerli poçt şöbələri vasitəsilə ödənilə bilər.
Fondun Naxçıvan Şəhər Şöbəsinin pensiyaların təyinatı sektorunun müdiri Mənsur Mahmudov isə “Əmək pensiyaları haqqında” Azərbaycan Respublikası Qanununa əsasən əmək pensiyalarının təyin edilməsi, əmək pensiyasının növləri, sosial sığorta stajının müəyyən olunması, pensiyaçılara pensiyaların ödənişində mütərəqqi ödəniş metodlarının tətbiqi haqqında məlumat verib.
Tədbirdə mövzu ilə əlaqədar slayd göstərilib və sığortaolunanları maraqlandıran suallar cavablandırılıb.
Sonra “Cahan Holdinq” Kommersiya Şirkətlər İttifaqı Aparatının rəhbəri Azər Cəfərov çıxış edərək bildirib ki, “Cahan Holdinq”də yeni əmək fəaliyyətinə başlayan hər bir sığortaolunan ilə əmək müqaviləsinin bağlanılması, qanunvericiliklə müəyyən olunmuş məbləğlərdə məcburi dövlət sosial sığorta haqlarının ödənilməsi və onların fərdi uçotunun təşkili ilə əlaqədar tələb olunan hesabat və məlumatların Dövlət Sosial Müdafiə Fonduna təqdim olunması hər zaman diqqətdə saxlanılır.
Sonda bir neçə sığortaolunana sosial sığorta şəhadətnaməsi təqdim edilib.
Seymur Rəhimov
Emtv.az
Paylaş: