SON DƏQİQƏ

Ermənistanda prezident Armen Sarkisyanın fərmanı ilə 6 nazir istefaya göndərilib.

Emtv.az xəbər verir ki, istefaya göndərilənlər iqtisadi inkişaf və investisiyalar naziri Artsvik Minasyan, kənd təsərrüfatı naziri Artur Xaçatryanr (hər ikisi “Daşnaksütun” partiyası), fövqəladə hallar naziri Qraçya Rostomyan, nəqliyyat, rabitə və informasiya texnologiyaları naziri Aşot Akopyan, idman və gənclər naziri Levon Vaqradyan, enerji infrastrukturları və təbii sərvətlər naziri Artur Qriqoryandır (hamısı “Çiçəklənən Ermənistan” partiyasından).

Daha öncə Ermənistanın baş naziri Nikol Paşinyan bildirib ki, “Çiçəklənən Ermənistan” və “Daşnaksütun” partiyalarının nazir və qubernatorları işdən çıxarılandan sonra istefa verəcək.

Paşinyan bildirib ki, o öz səlahiyyətlərini qoruyub saxlayacaq və istefadan sonra da baş nazir kimi öz vəzifəsini yerinə yetirəcək: “Nazirlər və qubernatorların işdən azad olunma haqqında qərar de-yure qüvvəyə mindikdə, mən istefaya gedəcəm… Ancaq baş nazir vəzifələrini icra edəcəyəm”.

Daha sonra Paşinyan Ermənistan Milli Məclisinin deputatları ilə bağlı qapı arxasında danışıqlar aparıb.

Öz növbəsində “Daşnaksütun” partiyası bəyan edib ki, öz nazirlərini geri çağırır.

İsmayil İsmayilov
Emtv.az