17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
16:46 - Aygün Əliyeva: "2022-ci ili Qurumun Fəaliyyətinin İlk İli Kimi Xarakterizə Edə Bilərik" - Müsahibə
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
Qətlə yetirilən gəncin atasından hakim Əli Seyfəliyevə rüşvət ittihamı – “Oğlum qanını pulla batırdılar”
“Ali Məhkəmənin hakimi Əli Seyfəliyev oğlumu qətlə yetirən biznesmen oğlunun rüşvəti müqabilində qatili müdafiə etdi.
Gəncə Apellyasiya Məhkəməsinin hökmü ilə oğlumu öldürən Urfan Rzayev 13 il müddətinə azadlıqdan məhrum edilsə də ancaq Əli Seyfəliyev bu hökmü ləğv edərək, yenidən Apellyasiya Məhkəməsinə qaytarıb”.
Bu sözləri Azərbaycan Prezidentinə ünvanladığı şikayətində bir neçə il əvvəl qətlə yetirilən dünya çempionu Kamal Rüstəmovun atası Əli Rüstəmov yazıb.
Emtv.az xəbər verir ki, müraciətinin bir surətini ölkə KİV-lərinə ünvanlayan Əli Rüstəmov hadisəni belə nəql edir: “Oğlumu 2014-cü ilin sentyabrında Urfan Rzayev və daha bir neçə onun işlədiyi yerə gələrək, öldürdülər. Ekpstertiza rəyləri və digər faktlar Kamalın bir neçə nəfər tərəfindən öldürüldüyünü ortaya çıxarsa da Göygöl prokurorluğu bu işi ört-basdır etmək üçün əlindən gələni etdi.
O zaman guya, Urfanın Kamalı müdafiə zəmnində öldürməsinə yönəlik iş aparıldı.
Hətta ilkin cinayət işi “Qəsdən adam öldürmə” maddəsi ilə aparılmırdı.
Ancaq ölkə mediasının bu işin üstünə getməsi, Baş Prokuorun qəbulunda olmağımız səbəbindən CM-nin 120.1 ci maddəsi ilə cinayət işi başlandı. Yenə də qətlin digər iştirakçıları istintaqdan gizlədildi. Çünki, qrup şəklindən cəza daha ağır təyin olunur.
Oğlumu öldürən Urfanın atası Rusiyadakı biznesinə güvənərək, hər yerdə bu işi öz xeyirlərinə həll edəcəklərinə əminliklə danışırdı. Belə də oldu Gəncə Ağır Cinayətlər Məhkəməsi Urfana 10 il cəza verdi. Sonradan şikayətlərimizə görə, Gəncə Apellyasiya Məhkəməsi ədaləti qismən də olsa bərpa elədi. Urfana 13 il cəza təyin olundu.
Qeyd edim ki, ötən aylar ərzində qatilin atası müxtəlif şəxslər vasitəsilə mənə rüşvət təklif etdi. Açıq şəkildə deyirdi ki, ya sənə ya Ali Məhkəməyə verdim, fərq etmir, gəl, razılaşaq. Biz oğlumuzun qətlinə görə, yeganə təsəllini onun həbsdə qalması ilə tapırıq.
Bu gün isə hakim Əli Seyfəliyevin belə bir qərar verməsi dövlət, onun məhkəmə sistemi adına utancdır. Mən Cənab Prezidentdən, Məhkəmə-Hüquq Şurasının sədrindən bu hakimin əməllərinin araşdırılmasını xahiş edirəm”.
Əli Rüstməv sonda onu da bildirib ki, məhkəmənin belə bir biabirçı qərar qəbul etməsi onun bir vətəndaş kimi dövlətə etimadını öldürür.
Emtv.az