Minlərlə tələbəyə 1 yataqxana: Azərbaycan təhsilinin gerçəyi
29-03-2018, 13:49 | Oxunub: 17 793 |
Bakıda yeni tələbə yataqxanası tikilir. Yataqxana Neft və Sənaye Universitetinin (ADNSU) balansında olan ərazidə tikilir. Amma binada digər ali məktəblərdə təhsil alan tələbələr də müvafiq kvotaya əsasən yerləşmək imkanı qazanacaqlar.Yataqxana Təhsil Nazirliyinin təşəbbüsü ilə Heydər Əliyev Fondunun dəstəyi ilə tikilir. Yataqxana binası 800 nəfərə yaxın tələbə, həmçinin müəllim üçün nəzərdə tutulub.
Binanın növbəti tədris ilində istifadəyə verilməsi nəzərdə tutulub.Məlumdur ki, Bakıda bölgələrdən gələn tələbələr evsizlik problemi ilə üzləşirlər. Tələbə yataqxanaların olmadığına görə, onlar kirayə mənzillərdə yaşamaq məcburiyyətində qalırlar. Bəs, hazırda ali məktəblərin yataqxana durumu necədir?20 minə yaxın tələbənin təhsil aldığı Bakı Dövlət Universitetinin tələbə şəhərciyi 2013-cü ildən fəaliyyətini dayandırıb. Şəhərciyin 3, 4, 5 saylı binaları tamam sökülüb. Qeyd edək ki, Sovet dövründə burada universitetin 7 yataqxanası var idi. Gələn il keçriləcək 100 illik yubley üçün yeni yataqxananın inşa ediləcəyi bildirilib. Plana görə yeni yataqxanada 5-6 min tələbənin yaşaması təmin olunacaq. 6 minə yaxın tələbəsi olan Azərbaycan Dillər Universitetinin bir yataqxanasında 200 tələbənin qalması mümkündür.Azərbaycan Dövlət Pedaqoji Universitetinin 5 yataqxanası olsa da, bunlardan 4-də məcburi köçkünlər məskunlaşıb. 2 nömrəli tədris binasında fəaliyyət göstərən yataqxanada təxminən 200-ə qədər tələbəni yerləşdirmək mümkün olur.Azərbaycan Dövlət Neft və Sənaye Universitetinin hazırda fəaliyyətdə olan 320 nəfərlik yataqxanası var.Emtv.az
OXŞAR XƏBƏRLƏR