SON DƏQİQƏ

Azərbaycanda biznes qurmasına şərait yaradılan keçmiş iqtisadi inkişaf naziri Fərhad Əliyev qeybə çəkilib.

Emtv.az-ın yerli mətbuata istinadla əldə etdiyi məlumata görə, sabiq nazir Azərbaycanda deyil və Suqmayıtdakı zavodun fəaliyyəti ilə əlaqədar sentyabrda vətənə qayıdacaq.

Ukrayna, Moldova, Rumıniya və Çexiyada biznesi olan F.Əliyevin ölkəmizdə işləməsinə şərait yaradılsa da, keçmiş nazir gözə girməməyə, medianın diqqətindən kənarda qalmağa çalışır.

Onun bir ara mətbuatın gündəmində olması, Kərəm Həsənovla münasibətlərinin yada salınması narahatlığa səbəb olub. İndi işi ilə əlaqədar xaricdə olan F.Əliyevin payızda gələcəyi gözlənilir.

F.Əliyevin müxtəlif qüvvələrlə konfliktinin olması onun əhəmiyyətini artırır.

Eks-nazir bu dəfə hakimiyyətin populyar qanadı üçün “Domokl qılıncı” rolunu oynaya bilər. Kimin başını kəsmək, kimin kəlləsini gilyotina qoymaq, kimin qafasını kötükdə görmək lazımdırsa, F.Əliyev onun üzərində şimşək ola bilər.

Əvvəlcə kampaniya başlanır, sonra ictimai rəy yaradılır, ardınca media təbliğatı güclənir, sonra inzibati resursları əlindən alınır, çox çəkmir ki, merkantil maraqları da sıxışdırılır, bir az keçməmiş bütün səlahiyyətləri alınır və axırda yola salınır.

Sabiq nazirə siyasətlə məşğul olmaq yasaqlanıb. F.Əliyev yalnız biznes işlərini inkişaf etdirə bilər ki, bu da ölkə iqtisadiyyatına töhfə verməlidir.

Siyasi fəaliyyətə qadağa qoyulmasına gəlincə, 2005-ci ildə Qərbin yaratdığı şəbəkənin böyük bir qolu kəsilərək proje de-şifrə olundu.

O dövrün hadisələrində “Sem dayının uşaqları”nın ideoloqu kimi iqtisadi inkişaf naziri Fərhad Əliyevin başı getdi.

Parlamentdə narıncı rəngli qalstukda gələrək hesabat verən nazir “narıncı inqilab”a eyham vururdu. Qırğızıstan, Gürcüstan, Ukraynadakı inqilablar dalğasının Azərbaycana sıçrayacağı gözlənilirdi.

Amma hakimiyyətlə olan bazarlıq nəticəsində “Sem dayı” F.Əliyevə axıra qədər dəstək vermədi - nazir həbsə göndərildi.

Onun dəmirbarmaqlıqlar arasına göndərilməsində isə yan-yörəsindəki “Sem dayının uşaqları”nın da rolu az olmamışdı. İndi ona növbəti dəfə fürsət verilməsi mümkün deyil.

Emtv.az