SON DƏQİQƏ

Naxçıvan Muxtar Respublikasında növbəti əmək yarmarkalarına aprelin 11-də start veriləcək. İlk tədbir Sədərək rayonunun Heydərabad qəsəbə mərkəzində təşkil olunacaq.

Naxçıvan Muxtar Respublikası Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətindən azərtac-a bildiriblər ki, aprel ayının 12-də Kəngərli Rayon Məşğulluq Mərkəzində bu bölgənin işaxtaran sakinlərinə vakant iş yerləri təqdim ediləcək. Aprelin 13-də keçiriləcək əmək yarmarkasının növbəti ünvanı Şahbuz şəhərindəki “Araz” kinoteatrının binası olacaq. Culfa rayonunun işaxtaran sakinləri bu xidmətdən aprel ayının 14-də yararlana biləcəklər. Aprelin 18-də ordubadlılara, 19-da babəklilərə, 20-də isə şərurlulara iş yeri seçmək imkanı yaradılacaq.

Naxçıvan şəhərində əmək yarmarkası aprel ayının 21-də “Gənclik” Mərkəzində keçiriləcək.

Qeyd edək ki, ötən il də muxtar respublikanın bütün şəhər və rayonlarında əmək yarmarkaları, eyni zamanda, təhsil və səhiyyə yarmarkaları təşkil olunub.

Emtv.az