SON DƏQİQƏ

Dövlət İmtahan Mərkəzinin (DİM) ödənişli xidmətlərindən faydalanmaq istəyən istifadəçilər “Şəxsi kabinet”lərinin hesabına tələb olunan məbləği əlavə etməlidirlər. DİM-in mətbuat xidmətindən verilən məlumata görə, bunun üçün onlar payment.dim.gov.az portalında təqdim olunan ödəniş üsullarından istifadə edə bilərlər.

Məlumatda bildirilir ki, vətəndaşların ödəmə həyata keçirmək üçün bir neçə üsuldan istifadə etmək imkanları var: “Belə ki, vətəndaş kredit kartı vasitəsi ilə online şəkildə internet veb səhifəsindən, ödəmə terminallarından, "DİM ödəmə" başlığı altında olan digər müasir ödəmə vasitələrindən istifadə edə bilər. Əgər sizin kredit kartınız yoxdursa, müxtəlif ödəmə terminallarından istifadə edə bilərsiniz. Portmanat kod MilliÖN, eManat, Easypay, Expresspay ödəmə terminalları vasitəsi ilə əldə edilə bilər. Kodun əldə edilməsi üçün ardıcıllıq aşağıdakı kimidir:
- Ödəmə kartları -> Portmanat Code -> Mobil nömrə daxil edilir -> Məbləğ daxil edilir”.

Məlumata qeyd olunub ki, əməliyyatın sonunda daxil edilən mobil nömrəyə 9889 qısa nömrəsindən Portmanat kodu SMS vasitəsi ile göndərilir, eyni zamanda qəbzin üzərində də çap olunur: “Portmanat kodla DİM-ə ödəniş etmək üçün portmanat.az saytına və ya mobil tətbiqinə daxil olduqdan sonra "Qeydiyyatsız ödənişlər" bölməsindən "Digər ödənişlər" bölməsinə daxil olmalısınız. Daha sonra "DİM" seçilir. 2 seçim imkanı var: DİM (Kabinet nömrəsi ilə) ve DİM (Şəxsiyyət vəsiqəsi ilə). Seçimlərdən hər hansı birini seçərək ödəniş qəbzindəki pin kodu daxil etməklə ödəniş edilir.
Daha sonra ekabinet.dim.gov.az saytında “Şəxsi kabinet”inizə daxil olursunuz. Məbləğ hesabınıza əlavə edilməyibsə, "Hesab" -> “Məbləğin hesaba əlavə edilməsi” bölməsində məbləği hesabınıza əlavə edirsiniz”.

Emtv.az/L.Xubyarzadə