SON DƏQİQƏ

Ziya Məmmədovun rəhbərlik etdiyi Nəqliyyat Nazirliyi ləğv edilib özü vəzifədən kənarlaşdırılsa da, onun əlaltıları vəzifələrdə hələ də at oynadırlar. Nəticədə də biz sakinlər belə hoqqabazların qanunsuz əməllərindən əziyyət çəkirik.

Kürdəmir 5 nömrəli Dəmir Yolu Sahəsinin rəisi Şəmsəli Quliyevin rəhbərliyi ilə Ucar rayonunun Oğuz küçəsi ərazisində dəmir yolu relslərinin tikintisi aparılır. Tikintinin bütün çıxdaşları 50 ailənin yaşadığı Dəmir Yolu binasının kanalizasiyasıa töküldüyündən çirkab sular həyətlərə dolub. Nəticədə acınacaqlı bir vəziyyət yaranıb. Çirkab sularının yaratdığı dözülməz antisanitariya ciddi xəstəliklər yaradacaq. Çıxarılan köhnə relslər, qazılmış daş qarışıq torpaqlar Şəmsəli Quliyev tərəfindən qanunsuz olaraq satılıb talan edilir. Daşınmaya ayrılan pul Şəmsəli Quliyev tərəfindən mənimsənilir. Onun rəisi olduğu Kürdəmir 5 nömrəli Dəmir Yolu Sahəsi Hacıqabıldan-Ucar rayonunun Alı kənd dəmir yolu stansiyasına qədər məsafəni əhatə edir. Baş İdarə isə Kürdəmir rayonunda yerləşir.

Şəmsəli Quliyev sabiq Nəqliyyat Naziri Ziya Məmmədovun yaxın adamıdır. Hətta hal-hazırda da o Ziya Məmmədova hesabat verir. Şəmsəli Quliyevi hamı rels alverçisi kimi tanıyır. Hacıqabul, Kürdəmir və Ucar rayonlarında bəzi idarə müəsisələrinə yük daşınması üçün sovet dönəmində dəmir yolu xəttləri çəkilmişdir. İndi həmin idarə və müəssisələrin bir neçəsi işləmədiyindən və vəzifə səlahiyyətlərindən sui-istifadə edən Şəmsəli Quliyev həmin dəmir yolu relslərini təmir işləri adı ilə qanunsuz olaraq sökdürüb satdırır. Şəmsəli Quliyev Dəmir Yolu İdarəsinin rəisi Cavid Qurbanovu gözdən salmaq üçün belə talançılıqla məşğuldur. Hər yanda isə yalandan deyir ki, guya Cavid Qurbanovun tapşırığı əsasında relsləri satır. Kürdəmir 5 nömrəli Dəmir Yolu Sahəsinin 3 rayondakı idarəsində adları işdə gedib özləri başqa işlərlə məşğul olan çoxlusayda vətəndaşın maaş kartları Şəmsəli Quliyevin cibindədir. Saatlı rayonunda böyük mal-qara fermasını, yüzlərlə hektar torpaq sahələrini, bahalı avtomobilləri, möhtəşəm villaları Şəmsəli Quliyev Ziya Məmmədovun himayəsi altında əldə etmişdir deyə bu gün də ona ağsaqqal kimi baxıb hesabat verir. Bu talançının fəaliyyəti obyektiv yoxlanılarsa, külli miqdarda dövlət əmlakını mənimsədiyi üzə çıxacaq. Xahiş edirik dövlət bu talançıya nəzarət etsin, onun barəsində ciddi tədbirlər görülsün.

İmza Ucar rayon Dəmir Yolu yaşayış binasının sakinləri
Əliyev Səməd Şükür oğlu
Qasımov Fərhad Kamil oğlu
Pənahov Nazim Məmməd oğlu
Yusifov Süleyman Alı oğlu
Hüseynov Bəhlul Fikrət oğlu.

Emtv.az/L.Xubyarzadə