SON DƏQİQƏ

Rusiya prezidenti Vladimir Putinlə Türkiyəli həmkarı Rəcəb Tayyib Ərdoğan arasında görüş başlayıb.

Emtv.az Rusiya KİV-lərinə istinadən xəbər verir ki, Putin Rusiya ilə Türkiyə arasındakı münasibətlərin sürətlə bərpa olunduğunu bildirib. Onun sözlərinə görə, rəsmi Moskva buna şaddır:

“Biz çox şadıq ki, bizim dövlətlərarası əlaqələrimiz kifayət qədər sürətli templərlə bərpa olunur”.

Rusiya və Türkiyənin yüksək səviyyədə əməkdaşlıq şurasının son iclasından artıq 3 ilə yaxın vaxt keçdiyini xatırladan Putin bu müddət ərzində bir çox dəyişikliklər olduğunu dilə gəitirib:

“Bu vaxt ərzində bir çox hadisələr baş verib. Son zamanlar Rusiya-Türkiyə münasibətlərinin ölkələrimizə layiq səviyyəyə çıxması üçün fəal şəkildə çalışmışıq”.

Türkiyə prezidenti isə öz növbəsində iki ölkənin iqtisadi əməkdaşlığı sahəsində əsas elementləri qeyd edib:

“Hesab edirəm ki, bu gün üçün iki iqtisadiyyatın əməkdaşlığının əsas elementi müdafiə-sənaye kompleksi və energetikadır”

Emtv.az

Paylaşdı: L.Xubyarzade