SON DƏQİQƏ

Müğənni Səidə Sultan həmkarı Niyam Salaminin evlilik təklifinə “yox” deməsi xəbərinə münasibət bildirib.

Emtv.az axşam.az-a istinadən xəbər verir ki, sənətçi açıqlamasında deyib ki, o, Niyama dost gözü ilə baxır:

“Düzdür, Niyam mənə evlilik təklifi etdi. Amma mən ona qardaş gözü ilə baxıram. Niyam elə bir oğuldur ki, onunla ailə quran xanım xoşbəxtdir. Çünki ailəsinə sadiq, qayğıkeş, diqqətcil biridir. Bu sözlərimi görüb məni qınayacaqlar ki, bəs niyə ərə getmədin? Ailə qurmaq mənim üçün çox ciddi addımdır. Mən sevib ərə getmək istəyirəm. Niyamı isə dostum kimi çox istəyirəm”.

S.Sultan N.Salaminin ona evlilik təklifi edən ilk müğənni olmadığını deyib:

“Evdə üç bacı olmuşuq, ən çox mənə elçi gəliblər. Səkkizinci sinifdə oxuyandan elçilərim gəlir. Bu günə kimi dörd müğənnidən evlilik təklifi almışam. Həmişə demişəm, yenə də təkrarlayıram: mənim ailə quracağım oğlan çox güclü və ciddi, vurub-yıxan olmalıdır. O, içəri girəndə zəhmindən hamı ayağa qalxmalıdır. Özüm dəliqanlı olduğum üçün beləsini istəyirəm. Bu sözlərimi qınayanlar çox olacaq. Çünki sosial şəbəkədə o qədər tənqid yazırlar ki... Bəli, mən bu cür oğlan istəyirəm, sona kimi sözümün arxasında duracam, sizin acığınıza eləsinə də ərə gedəcəm (gülür). Əgər ərə getmək üçün ürəyim getsəydi, birini tapıb, çoxdan yanımda otuzdurmuşdum. Toy etmək xatirinə ərə getməyəcəm. Allah qismətimə ailə yazıbsa, olacaq”.

Emtv.az