17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
15:05 - QHT Qubada tədbir keçirdi
Antikorrupsiya İdarəsi nazirin dərslik korrupsiyasını araşdırır? - Şok təfsilat
Azərbaycanda gizli dərsliklərin çap olunması və tirajının azaldılması ilə bağlı araşdırmalar başlanıb.
Hüquq-mühafizə orqanlarındakı mənbədən belə xəbər verilib.
Məlumata görə, Baş Prokurorluq yanında Korrupsiyaya qarşı Mübarizə İdarəsi Təhsil Nazirliyinin göz yumduğu “dərslik əməliyyatı”nı təftiş edir. Ölkə üzrə sifariş olunan dərsliklərin sayı ilə çap olunanların həcmi ziddiyyət təşkil edib.
Bu da böyük korrupsiya şübhələrinə yol açıb. Amma nazirlik tərəfindən məsələ ört-basdır edilib. Prokurorluq orqanları isə hərəkətə keçərək korrupsiya faktları barədə istintaq hərəkətləri aparıb.
Qaynağımız qeyd edib ki, bu maxinasiyalardan təhsil naziri Mikayıl Cabbarovun da xəbəri olub. Nazir bilib ki, dərsliklərin tirajı az vurulub və ayrılan vəsaitlər mənimsənilib. Bu korrupsiya əməliyyatından nazirə pay-püş çatıb-çatmadığı bilinmir.
Əldə etdiyimiz bilgilərə görə, bir müddət əvvəl məsələnin araşdırılması dondurulub və nazir şəxsi əlaqələrini işə salaraq istintaq hərəkəti dayandırmağa müvəffəq olub. Lakin məsələnin böyüməsi və ajiotaj doğurması Antikorrupsiya idarəsi tərəfindən işin canlanmasına səbəb olub.
Bu araşdırmalar yekunlaşandan sonra maxinasiyalarda kimlərin əlinin olduğu üzə çıxa bilər. M.Cabbarov isə dərhal “günah keçisi” axtarmağa başlayacaq. Hətta həbslərin olacağı da istisna edilmir. Politika.az xəbər verir ki, Azərbaycanın təhsil sisteminin hansı günlərə qaldığı sirr məsələ deyil.
Keçmiş təhsil naziri Misir Mərdanovun vaxtında rüşvət və korrupsiya hər nə qədər yüksək həddə olsa da, yenə də orta məktəblərdə, hətta ali təhsil ocaqlarında təhsil deyilən bir şey vardı. təhsilin başına keçən Mikayıl Cabbarov isə artıq Mərdanovun atasına rəhmət oxutdurmağa çoxdan başlayıb.
Bu gün orta məktəblərdə tədris proqramından tutmuş, təhsilin səviyyəsinə qədər hər şeyin biabırçı həddə olması gizlin sayılmayan hallardandır. Elə bunun məntiqi nəticəsidir ki, hazırda ali məktəbə sənəd verən abturiyentlərin 85 faizindən çoxu 0-199 bal toplayıblar.
Bu rəqəm ilk baxışdan heç nəyi ehtiva etməyə də bilər. Amma reallıq ondan ibarətdir ki, faktiki olaraq təhsil alan gənclərin 85 faizi savadsızlıq həddindədir, təhsil görməyib və biliyi ən minimum həddədir.
Mikayıl Cabbarovun yaratdığı problemlər təkcə bununla bağlı deyil. Məsələ ondadır ki, təhsil naziri dərsliklər məsələsində də ciddi səhvlərə yol verməkdədir.
Artıq orta məktəb dərsliklərində ağlasığmaz məsələlər, mətnlərin yer aldığı, təhsilə dəxli olmayan hallar barədə yazıldığı valideynləri də bezdirib.
Üstəlik, uşaqların kütləşməsi, savadsızlaşmasına şərait yaradan məsələlərin, habelə bəzən əxlaqsız mətnlərin belə dərsliklərə yol tapması artıq biabırçılığın hansı həddə olduğunu göstərir.