SON DƏQİQƏ

Məşhur fizik Stephen Hawking süni intellektin faydalarıyla yanaşı, yarana biləcək bir sıra problemləri də dilə gətirib. Süni intellektin insanların həyatını asanlaşdıra biləcəyini, amma həm də onları təhkim (oxşar söz: tabe) edə biləcəyini vurğulayan Hawking ”Bioloji beyin və bir komputerin edə biləcəkləri arasında böyük fərqlər olduğunu düşünmürəm”, dedi. İngiltərə Kembriç Universitetinin yeni Süni İntellekt Araşdırma Mərkəzinin açılışında danışan məşhur fizik Stephen Hawking bunları deyib: ”Güclü süni intellektin yüksəlişi bəşəriyyətin başına gələn ən yaxşı, ya da ən pis şey olacaq. Yaxşı və ya pis olacağı haqqında isə heç bir fikrim yoxdur.”

Süni intellkt yaratmaq mədəniyyət tarixinin ən böyük hadisəsi olaraq qeyd olunacaq.

Hawking sözlərinə belə davam edib: Süni intellekt yaratmağın potensial faydaları olduqca çoxdur. Bu yeni texnoloji inqilabın ortaya atacağı vasitələr sayəsində sənayenin təbiətə verdiyi ziyanı təmir edəcəyik. Eyni formada xəstəliklərin və yoxsulluğun sonunu gətirməyi də məqsədlərimiz siyahısına əlavə edə bilərik. Həyatımızın hər sahəsi çevriliş keçirəcək. Qısası, süni intellekt yaratmaq mədəniyyət tarixinin ən böyük hadisəsi olaraq qeyd olunacaq. Lakin risklərin qarşısına necə keçmək lazım olduğunu bilməsək bəşəriyyətimizi də qoruya bilməyəcəyik.