SON DƏQİQƏ

Dərslərinizlə məşğul olarkən, kitab oxuyarkən və ya işinizin başınızdan aşdığı anlarda belə göz qapaqlarınızı açıq saxlamaqda çətinlik çəkirsiniz?
Bir çox hallarda ”Biraz yatsam özümə gələrəm”, deyirsiniz.

Lakin elm adamları sadəcə yatmaqla bunun qarşısını ala bilməyəcəyinizi iddia edir. Və ya sərt bir kofe də işinizə yaramayacaq.

Elə bu səbəbdən də hər ikisini birlikdə etməlisiniz.
Elm adamları deyir ki:

Yuxunu dağıtmaq üçün əvvəlcə gözəl bir kofe içmək, sonra da kofeinin mədəyə çatdığı 20 dəqiqə müddətində yaxşıca yuxuya getmək lazımdır. 20 dəqiqədən sonra günə yenidən başlayırmışsınız kimi hiss edəcəksiniz.

Lakin burada vaxtı düzgün təyin etmək lazımdır. Çünki kofein incə bağırsağa çatıb oradan da qana qarışsa beyinə doğru sürətlə irəliləyəcək. Kofeni içdikdən dərhal sonra yatmaq lazımdır ki, bu proses getdiyi zaman yuxuda olasınız.

Proses təxminən 20 dəqiqə davam edir və bu əsnada yuxuda olmaq bədənin off rejimindən daha sürətli formada oyanmasına kömək edirmiş.

Hələ ki yoxlamamışıq, amma elm adamları belə deyir.