SON DƏQİQƏ

FİFA Norveç yığmasının futbolçusu Ule Kristian Selnaesə qarşı araşdırmalara başlayıb.

Emtv.az Norveç mətbuatına istinadən xəbər verir ki, buna səbəb futbolçunun stadionun tunelində Azərbaycan millisi ilə keçirilən görüşdə hakimlər briqadasına etiraz etməsi olub. Oyunun baş hakimi olan israilli referi Liran Liani etirazlara görə norveçli futbolçuya qırmızı vərəqə göstərib və protokolda qeyd edib.

Lakin FİFA araşdırmala başlayıb və Selnaesin San Marinoya qarşı oynamasına icazə verib.

22 yaşlı dayaq yarımmüdafiəçi məsləylə bağlı fikirlərini bildirib. O, Bakı Olimpiya stadionunun tunelində hakimlərə “Hər şeyə fit çaldız, bizi çətin vəziyyətdə qoydunuz” dediyini söyləyib. Selnaes bu sözlərdən başqa heç nə demədyini qeyd edib:

“Yalnız bu sözləri demişəm. Tunel səs-küy idi. Orada çoxlu adamlar var idi. Başqalarının dediyinə məsuliyyət daşıya bilmərəm”.

Bundan əlavə, Norveç millisində köməkçi məşqçi kimi çalışan Martin Foystonla da bağlı araşdırmalara başlayıb. O, açıqlamasında 4-cü hakim olan Eytan Şmuelevitzə təşəkkür etmək istədiyini bildirib, lakin hakim ona aralı durmağı tələb edib.

Qeyd edək ki, FİFA oktyabrın 27-də qərarını açıqlayacaq.