17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
16:46 - Aygün Əliyeva: "2022-ci ili Qurumun Fəaliyyətinin İlk İli Kimi Xarakterizə Edə Bilərik" - Müsahibə
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
Gədəbəydə ərin xəstəxanalıq etdiyi qadın: "Qayınatam və qayınanam baxıb gülürdülər"
Oktyabrın 4-də Gədəbəy rayonunun Armudlu kəndində həyat yoldaşı tərəfindən döyülərək Tovuz rayon Mərkəzi Xəstəxanasının reanimasiya şöbəsinə yerləşdirilən 3 övlad anası olan Yasəmən Şamilova hadisə barədə açıqlama verib.
O bildirib ki, hadisə oktyabrın 4-də səhər saatlarında yaşadığı evdə amansızlıqla döyülüb: "Səhər uşağımın üstünə acıqlandım. Həyat yoldaşım Elməddin Şamilov məni şillə ilə vurdu, dinmədim. Daha sonra mənə yumruq-təpik vurmağa başladı. Məni amansızlıqla döyürdü, heç kim də müdaxilə etmirdi. Qayınatam və qayınanam evin içində mənim döyülməyimə baxıb gülürdülər. Daha sonra yoldaşımın ürəyi soyumadı, mənə küt alətlərlə xəsarət yetirməyə başladı. Əvvəlcə ocaq maşası ilə, sonra çomaqla döyməyə başladı. Mən halsız vəziyyətdə idim. O, məni sürüyə-sürüyə maşına mindirib Tovuz rayonuna sürdü".
Y.Şamilova deyir ki, huşsuz vəziyyətdə olduğu üçün həyat yoldaşı onu ölmüş bilib və Tovuz rayonunda yaşayış məntəqəsindən uzaq boş sahəyə ataraq gedib: "Özümə gələndə gördüm ki, biyabanlıqdayam. Zorla özümü toplayıb atamgilə gəldim və həyətdə yenidən huşumu itirdim. Məni valideynlərim Tovuz rayon Mərkəzi Xəstəxanasına gətirib. Hazırda vəziyyətim nisbətən normallaşsa da, bədənimdə çoxlu ağrılar var. Stasionar müalicəyə yazılmışam. Hər gün xəstəxanaya gəlirəm".
O bildirib ki, həyat yoldaşı və onun valideynləri uşaqları da əlindən alıb, onlarla nə danışmağa, nə də görüşməyə icazə verir: "Yoldaşım Gədəbəydə aşıq sənəti ilə məşğuldur. Toylara gedir, hər gün evə içkili vəziyyətdə gəlir, məni əsassız yerə döyüb təhqir edir. 9 ildir ki, mən o ailədə zülm çəkirəm. Hər gün döyülürdüm, amma uşaqlarıma görə ayrılmırdım. İndi artıq son qərarımı vermişəm. Polisə şikayət etmişəm, araşdırma aparırlar. Yaxın günlərdə boşanma barədə məhkəməyə də ərizə təqdim edəcəyəm".