SON DƏQİQƏ

“EMTV.az”-a daxil olan məlumatda bildirilir ki, Beyləqan rayon icra hakimiyyətinin başçısı Vaqif Abdullayev rayonun ərazilərini qarış-qarış satmaqda davam edir. Belə ki, Vaqif Abdullayev indi də şəhərin kanalizasiya xəttinin üstünü rəisə peşkeş edib. Hazırda kanalizasiya xəttinin üstündə ticarət obyekti tikilir. Fotodakı ərazi Beylaqan şəhərin çıxışında bütün kanalizasiya xəttinin birləşdiyi yerdir. Bu günlərdə həmin ərazidə, yəni bütün kanalizasiya xətlərinin birləşərək şəhərdən çıxdığı ərazidə – kanalizasiya xəttinin üstündə ticarət obyekti tikilməyə başlanıb. Bu da kanalizasiya xəttinin sıradan çıxmasına səbəb ola bilər. Mətbuata verilən məlumata görə, ticarət obyektini Beyləqan ərazisində yerləşən N saylı hərbi hissənin kadrlar şöbəsinin rəisi Yaşar Səfərovun tikdirdiyi və həmin ərazinin ona Vaqif Abdullayev tərəfindən satıldığı bildirilir.
.P.S. Yazıda adları çəkilən vətəndaşların da mövqeyini dərc etməyə hazırıq.