SON DƏQİQƏ

Aprelin 27-də Azərbaycan Memarlıq və İnşaat Universitetində “KNAUF” şirkətinin nümayəndələrinin tələbələrlə görüşündə

“KNAUF materialları – gənc memarların seçimi” mövzusunda ən yaxşı memarlıq müsabiqəsi barədə məlumat verilib.

"EMTV.az" xəbər verir ki, Şirkətin texnik və tədris şöbəsinin rəhbəri Dəyanət Baxşəliyev diqqətə çatdırıb ki, müsabiqə “KNAUF materialları yaşayış binalarının və ictimai binaların interyerində” nominasiyaları üzrə keçiriləcək.

Müsabiqəyə biznes və ticarət mərkəzləri, otel, mehmanxana, idman qurğuları, sosial daşınmaz əmlak obyektləri - uşaq bağçaları, məktəb, poliklinika, teatr, kinoteatr, sərgi salonları, mənzil, fərdi yaşayış evləri, yaşayış komplekslərinin interyerlərinin layihələri qəbul olunur.

D.Baxşəliyev deyib ki, müsabiqəni keçirməkdə məqsəd “KNAUF” materiallarının tətbiqi ilə hazırlanmış ən yaxşı layihələri seçmək, memarlıq və layihə təcrübəsinə “KNAUF”a aid yeni texnoloji həlləri daxil etmək, bu məhsullar haqqında informasiyaları yaymaqdır.

Bütün işlər müsabiqənin internet səhifəsində müntəzəm olaraq yerləşdiriləcək və layihələrin nəticələri elan olunacaq.

Hər nominasiyada 1-ci yeri qazanmış iki qalib “KNAUF” tərəfindən Almaniyaya səfər sertifikatı qazanacaq. Müsabiqədə 2 və 3-cü yerlərin sahibləri olacaq dörd qalib isə dəyərli hədiyyələrlə mükafatlandırılacaqlar.

AzMİU-nun tələbələrinin də iştirak edəcəyi müsabiqə işlərinin qəbuluna artıq başlanılıb, proses iyunun 30-dək davam edəcək.