SON DƏQİQƏ

Moldovanın daxili işlər naziri Aleksandr Jizdan aprelin 24-də keçiriləcək etiraz nümayişlərinin iştirakçılarını “təxribatçıları üzə çıxarmaqla polislə əməkdaşlıq etməyə” çağırıb."EMTV.az" Moldovanın “İNFOTAQ” agentliyinə istinadla xəbər verir ki, A.Jizdan bu açıqlamanı aprelin 22-də Kişineuda keçirdiyi mətbuat konfransında verib. Daxili işlər naziri bildirib ki, vəziyyətdən istifadə edərək aksiyaları sabit axarından çıxarmaq niyyəti güdən şəxslərin aşkarlanması üçün polis artıq preventiv tədbirlər görüb.

Nazir deyib: “Biz bu istiqamətdə işləmişik və işləyirik. Aprelin 24-də Kişineuda və rayonlarda ictimai asayişin mühafizəsinə çoxlu sayda polis əməkdaşı cəlb ediləcək. Onlar həm şəhərdə, həm də milli traslarda qayda-qanunu təmin edəcək. Amma xatırladım ki, mitinq zamanı təhlükəsizliyə məsuliyyəti təkcə polis yox, həm də etiraz aksiyalarının təşkilatçıları daşıyır. Aksiyaların bütün iştirakçılarına müraciət edirik: onlar dinc olmalıdır. KİV-lərə də təklif edirik ki, zorakılıqdan bəhs edən informasiyaları yaymasınlar”.

A.Jizdan təklif edib: “Vətəndaşlardan xahiş edirik ki, zorakılığa istənilən təhrikdən imtina etsinlər. Belə hallarla qarşılaşanda polisə məlumat versinlər”.

Moldova DİN-in rəhbəri xəbərdarlıq edib ki, aşkar edilən təxribatçı və zorakı əməllərin təşkilatçıları qanunun bütün sərtliyi ilə cəzalandırılacaq”.