SON DƏQİQƏ

“Unibank” saxta reklamları ilə artıq neçə vaxtdır ki, müxtəlif mətbu orqanlarda, afişalarda insanları aldatmaqla dələduzluq edir. Belə ki, şəxsiyyət vəsiqəsi ilə guya kredit verdiklərini gecə-gündüz reklam edirlər. Lakin banka yaxınlaşan vətəndaşlarda təsəvvür müraciətdən sonra dəyişir. Böyük həvəslə kredit şöbəsinə müraciət edənlər, sözün əsl mənasında peşman olaraq, narazılıqla oradan uzaqlaşırlar. Saxtakar bank işçiləri müştərilərdən lazımsız sənədlər, çoxlu qohum-əqraba nömrəsi soruşurlar ki, camaat da narazılığını bilidrib kreditdən imtina edirlər.


"EMTV.az" xəbər verir ki, şikayət ərizəsində vətəndaş göstərir ki, onun banklara, bir qəpik də borc yoxdur. Ona “Unibank”-da deyilib ki, sənin adında borc, ödəniş olsaydı kredit vererdik ki, ödəyicilik qabiliyyətin var. “Yalançını mənzilinə qədər qovarlar” məsəlinə əməl edən həmin şəxs, yaxın qohumunu banka aparıb və bildirib ki, dostumun digər bankda açıq krediti var və hər ay da vaxtında faizlərini ödəyir. Bankirlər ona da bir bəhanə tapıblar. Deyiblər ki, o biri bankda borcunu bağlayandan sonra gələrsən.

Bu günlərdə isə manatın devalivasiyasi ilə bağlı bankın təqdim etdiyi “Albalı” kartın limiti azalıb. Belə ki ödəniş qabiliyyəti olan müştərilərə kartda 600 manat olurdusa indi bu məbləğ 300 manata endirilib. Bu da müştərilərin haqlı narazılığına səbəb olur. Bu barədə xalq.azda da məlumat verilib.

Bankdan isə haqlarında yayılan məlumata heç bir münasibət bildirilməyib.

Qarşı tərəfində mövqeyini dərc etməyə hazırıq.