SON DƏQİQƏ

Вünya ictimaiyyəti İŞİD-in daha bir cinayətkar əməlindən narahat olmağa başlayıb. Belə ki terrorçular tərəfindən çoxsaylı insan oğurluğu hadisələri haqqında da məlumatlar yayılıb. RF-nın BMT-dəki nümayəndəsinin müavini Yevqeniy Zayqanov axın Şərqdə və Afrikanın şimalında terror fəaliyyəti ən çox kürdlərə və izədilərə qarşı həyata keçirildiyni bəyan edib.

"EMTV.az" xəbər verir ki, RT müxbiri Murad Qazdıyev əsirlikdən qaçmağı bacaranlarla söhbət edib.
Novruz düşərgəsi İŞİD-in əlindən qurtula bilən bir çox izədilər üçün yeni bir ev olub. Onlara sığınacağı isə Suriya kürdləri təşkil edib.

"Terrorçular gələndə biz Sincar şəhəri yaxınlığındakı dağa qaçdıq. Terrorçular bizi izləyirdilər, lakin Kürd Fəhlə Partiyasının bölmələri onları geri sıxışdıra bildi. Kürdlər bizə yemək və içmək verdilər", deyə Dil Şad adlı kişi danışır.

Bu əsl son idi: 50 min insan İŞİD-dən qaçırdı. Terrorçular Dil Şada, anası və bütün izədilərə seçim təklif ediblər.

"Terrorçular ultimatum irəli sürdülər: vəhabiliyi qəbul etmək, ya da ölmək. Lakin biz izədilərik və elə də qalacağıq. Bizə müqavimət göstərmək çox çətin idi, çünki silahımız yox idi", - deyə o, bildirir.

Bundan sonra onlar qaçmağa cəhd edirlər. Şadın sözlərinə görə, terrorçular kişiləri qətlə yetirir, qadınlar və uşaqları isə girov götürürdülər.

"Köçər" kəndinin sakinləri xilas ola bilmədilər: terrorçular orda daha çox insanı əsir gbtürdülər", - deyə qaçqın bildirir.

Seva Beyru Hacı isə deyir ki, İŞİD-çilər hücum edərkən sakinlərə toxunmayacaqlarını vəd veriblərmiş: "Mənim bacım oğlu inandı və geri, kəndə qayıtdı. Terrorçular onu həyat yoldaşı və bacısı ilə bir yerdə ələ keçirdilər".

Terrorçular hətta yaşlı insanlara belə rəhm etməyiblər. Seva və qohumları qardaşının yaşlı xanımını onların əlindən almaq üçün 15 min dollar borc görüblər. Onun sözlərinə görə, sövdələşmə Türkiyədə baş tutub.

Hər bir qaçqın öz faciəsini yaşayıb. "12 gün biz dağlarda ac-susuz sərgərdan gəzdik. Biz qoyunların yediyi ilə qidalanırdıq və ancaq bunun sayəsində sağ qaldıq", - deyə Naima öz faciəsini bölüşür.

O, yolda qardaşı arvadını və 4 uşağını ələ kçirildiyini deyir. Ona təcavüz edirlər, terrorçular bütün qadınlarla bu cür davranırlar. "Bəzilərinə 40 dəfə "ərə getməyə" məcbur edirlər", - deyə o, bildirir.

İŞİD-də zina qadağandır, ancaq onlar bu qadağanın üstündən keçməyin yolunu tapıblar. Onlar qadını alır, özü ilə evləndirir, qadından bezdikdən isə onunla boşanır və başqa "ərinə" satır.

Naimanın dediyinə görə, ailəsi 23 nəfərdən ibarət idi, ancaq indi tək qalıb.

Digər ailənin üzvlərini də ayırıblar. Ananı döyüşçülərə seks-kölə olmağa məcbur ediblər, uşaqları isə öz iradələri əleyhinə vəhhabi ediblər. Bununla belə, çadırların birində öz yaxınlarını görmə ümidi ilə yaşayan nənə var...