SON DƏQİQƏ

Almaniya kansleri Angela Merkel Böyük Britaniyaya səfəri zamanı bu ölkənin xüsusi xidmət orqanlarına Rusiya və onun prezidenti Vladimir Putin haqqında məlumatlar verib.
"EMTV.az" xəbər verir ki, bu iddia ilə “The Times” çıxış edib.
Məlumata görə, Merkel cari ilin oktyabr ayında Britaniyanın Mİ5 əks-kəşfiyyat xidmətinin başçısı Endrü Parker, Mİ6 kəşfiyyat xidmətinin rəhbəri Aleks Yanqerom və Rəqəmsal Rabitə və Kəşfiyyat İdarəsinin (GCHQ) müdiri Robert Hanniqanla gizli görüşüb.
Nəşr qeyd edir ki, Merkel xüsusi xidmət orqanlarının rəhbərləri ilə baş nazirin London yaxınlığındakı Çekers iqamətgahında görüşüb və onlarla təhlükələr haqqında məlumatları bölüşüb. Kansler öz növbəsində Rusiya prezidenti Vladimir Putin, Krım və Ukraynadakı vəziyyət barədə informasiya verib. Görüş Britaniyanın baş nazirı Devid Kameronun iştirakı ilə keçib.
Qəzetin məlumatına görə, Merkelin Böyük Britaniyaya verdiyi məlumatlar həmçinin Suriya və İraqda vuruşan xarici döyüşçülərlə bağlı olub.
Rəsmi məlumatlara görə, oktyabrın 9-da Kameron Merkellə Bakinqemşir qraflığındakı iqamətgahında danışıqlar aparıb. Siyasi liderlər şam yeməyində İraq və Şam İslam Dövləti (İŞİD) ilə mübarizəni, Suriya və Ukraynadakı vəziyyəti müzakirə ediblər. Tərəflər razılaşıb ki, Avropa Birliyi Minsk razılaşmalarının icrasına qədər Rusiyaya qarşı sanksiyaları saxlamalıdır. Bundan başqa, siyasətçilər Ukraynaya maliyyə yardımı barədə razılaşıblar.