SON DƏQİQƏ

Dünya və Rusiya mətbuatında Putinin qızı kimi təqdim edilən Katerina Tixonovanın toyu barədə məlumatlar yayılıb.
"EMTV.az" xəbər verir ki,mətbuat toyun 2013-cü ildə Peterburq yaxınlığındakı “İqora” dağ-kurort mərkəzində baş tutduğunu yazıb.
Kurortun sahibi iş adamı prezidentin kürəkəni Kiril Şamalovdir. Məlumatlara görə, mərasim tamamilə gizlilik şəraitdə keçirilib. Hər küncdə mühafizəçilər qoyulub, yaxınlığa kənar şəxslər buraxılmayıb. “Reuters” xəbər verir ki, hətta içəridəki ofisiantlar da Kiril və Katerinanın toyundan xəbərsiz olub. Mərasimdə 100 nəfərin iştirak etdiyi bildirilir. Girişdə bütün qonaqlardan mobil telefonlar götürülüb. Fotoların sosial şəbəkələrə düşməsinin qarşısı alınıb. Qonaqlar üstündə K+K yazılan ağ şərflər taxıb. Gəlin mirvari ilə bəzədilən gəlinlik, bəy isə tündrəngli kostyum geyinib. Toyun fotolarını çəkən fotoqraf da əslində kimin toyuna dəvət edildiyini bilməyib. O, ancaq daha sonralar fotoları ona göstərəndə məhz həmin çəkilişləri apardığını təsdiqləyib. Qeyd edək ki, Putin dünən keçirilən mətbuat konfransında qızları barədə suala cavabında onların 3 dil bilməsi və bizneslə məşğul olmadıqlarını vurğulamaqla kifayətlənib.