SON DƏQİQƏ

ABŞ və Böyük Britaniyadan olan yeniyetmələr kütləvi olaraq özlərinin yandırılması səhnəsini çəkərək şəbəkəyə yerləşdirirlər.

"EMTV.az" “The Sun” nəşrinə istinadən verdiyi məlumata görə, bu videolar artıq bir çox uşaqda travmalara səbəb olub.

Özünü yandırıb videosunu şəbəkədə dərc edən ilk adam Britaniyanın Linkolnşir şəhərində yaşayan 11 yaşlı Oliver Şarp olub. Belə ki, qaradərili məktəbli gödəkcəsinə asan alışan maye qataraq onu yandırıb. Dekabrın 12-dən onun şəbəkəyə yüklədiyi videodan sonra, o, müxtəlif yanıq xəsarətləri ilə xəstəxanaya yerləşdirilib.

Hazırda oğlanın belinə dəri qatının köçürülməsinə ehtiyac var. Yeniyetmənin anası isə bildirib ki, heç vaxt öz uşağında qeyri-adi hərəkətlərin olmasını hiss etməyib. Onun sözlərinə görə, oğlu hər zaman sözəbaxan və zəkalı uşaq olub.

Bu cür təhlükəli əyləncənin vətəni ABŞ sayılır. Bu ölkədə özünüyandırma nəticəsində 15 yaşlı oğlan ölümcül travmalar alıb. Yeniyetmə özünü yandıraraq sonradan söndürə bilməyib.

“Youtube” video hostinqində və “Facebook” sosial şəbəkəsində bu cür çarxların böyük videotekası mövcuddur.