SON DƏQİQƏ

BMT nəzarətçi qrupu: “İran “Emad” raketini sınaqdan keçirməklə BMT qətnamələrindən birini pozub”
"EMTV.az" xəbər verir ki, İrana qoyulan beynəlxalq sanksiyalara nəzarət edən BMT ekspertləri İranın BMT təhlükəsizlik Şurasının qətnamələrindən birini pozması barədə hesabat yayıb.
Bir neçə gün əvvəl BMT Təhlükəsizlik Şurasına təqdim edilən hesabatda deyilir ki, İran iki ayə əvvəl özünün ortamənzilli “Emad” raketini sınaqdan keçirməklə BMT qətnaməsini pozub: “İranın “Emad” raketi nüvə başlığı daşımağa qadir raketlərdən biridir. Bu isə BMT Təhlükəsizlik Şurasının 1229 saylı qətnaməsinin 9-cu maddəsinə əsasən qanun pozuntusu sayılır.

İrana qoyulan sanksiyalara nəzarətçi qrupun yaydığı hesabatda həmçinin bildirilir ki, 1000 kilometrlik məsafəni qət etməyə qadir olan “Emad” raketinin sınaqdan keçirilməsi üçün ballistik raketlər texnologiyasından istifadə edilib.

Rəsmi Tehran isə “Emad” raketinin nüvə başlığı daşımağa qadir olması barədəki iddiaları rədd edir.