SON DƏQİQƏ

İran rəsmisi: “Rusiyadan T-90 tankının satın alınması üçün təklif irəli sürmüşük”

"EMTV.az" xəbər verir ki, İran ordusunun quru qüvvələrinin komandanı Əhmədrza Purdəstan dekabrın 16-da jurnalistlərə açıqlamasında Rusiyanın T-90 tanklarından danışıb.
Əhmədrza Purdəstan deyib ki, o, Rusiyanın T-90 tanklarının satın alınması xüsusunda ölkə silahlı qüvvələrinin baş qərargahına təklif irəli sürüb: “Hazırda bizim müdafiə sənayemizdə T-72 tankları istehsal olunur. Bu, müharibələrdə öz qabiliyyətini göstərən yaxşı bir tankdır. Lakin T-90 tanklarının daha yüksək keyfiyyət və imkanlara malik olduğunu nəzərə alaraq onların satın alınması üçün baş qərargaha təklif irəli sürmüşük.

Ölkənin raket gücünə toxunan Əhmədrza Purdəstan amerikalıların İrana qarşı yeni sanksiyalar qoyacağı barədə son təhdidinə də toxunub: “Bizim amerikalılarla sionistlərin dedikləri ilə işimiz yoxdur. Biz öz işimizi görür və ehtiyaclarımıza uyğun olaraq ölkəmizin müdafiə gücünü artıracaq, imkanlarını daha yüksək səviyyəyə qaldıracağıq”.