SON DƏQİQƏ

“Twitter” sosial şəbəkəsi demək olar ki, bütün istifadəçilərinə dövlət tərəfindən maliyyələşdirilən hakerlərin hücumlarının olacağı ilə bağlı məlumat göndərib.

"EMTV.az" “Financial Times” nəşrinə istinadən verdiyi məlumata görə, haker hücumlarını hansı ölkənin dəstəklədiyi barədə məlumat verilmir.

Şirkətdə hesab edirlər ki, kibercinayətkarlar daha çox istifadəçilərin telefon nömrələrini, elektron e-mail ünvanlarını və İP ünvanlarını əldə etmək niyyətindədirlər. Artıq hakerlər tərəfindən sosial şəbəkənin bir sıra istifadəçilərinə kiçik ziyan vurulub. Bu hadisə ilə bağlı şirkət öz araşdırmalarına başlayıb.

“Financial Times” nəşri bildirir ki, “Google” və “Facebook” korporasiyaları istifadəçilərinin akkauntlarının sındırılmasının mühafizəsi üçün əlavə təhlükəsizlik tədbirləri həyata keçiriblər. “Facebook” artıq oktyabr ayından istifadəçilərini tam mühafizə edib.

“Twitter” sosial şəbəkəsinin istifadəçiləri arasında keçirilən sorğuya əsasən, artıq onların 20 faizi xəbərdarlıqla bağlı məktublar alıblar. Şirkətdə də belə bir məktubun göndərildiyini təsdiqləyiblər və bununla bağlı hər hansı şərh verməkdən imtina ediblər.