SON DƏQİQƏ

“Dini məscidlərdə siyasi müzakirələrin aparılması yolverilməzdir”.

"EMTV.az" Modern.az-a istinadən xəbər verir ki, bu sözləri parlamentin bu gün keçirilən iclasında Milli Məclis sədrinin birinci müavini Ziyafət Əsgərov deyib.

O, məscidlərin siyasi diskusiya yeri olmadığını qeyd edib. Vitse-spiker dinin siyasətlə qarışdırılmamalı olduğunu da bildirib: “Hər birimizin dindən az-çox məlumatımız var. Dindarın siyasətlə nə işi var? Dindar məscidə gedib namaz qılmalıdır, siyasi diskusiyalar, dövlət əleyhinə kampaniyalar aparmalı deyil”.
O, Nardaran hadisələri haqda da fikirlərini bildirib:

“Nardaranda hara baxırdın, qara bayraqlar asılmışdı. Dində bu cür bayraq anlayışı varmı?! Burada “Quran” oxuyan insanlar əyləşib. Onlara müraciət edirəm, “Quran”da belə hallar varmı?!

Azərbaycanda yalnız bir bayraq dalğalana bilər, o da üç rəngli Azərbaycan bayrağıdır. Bura müstəqil Azərbaycan dövlətidir və onun öz bayrağı var. Bu dövlət bizə ulu öndər Heydər Əliyevdən əmanətdir. Dövlətə xəyanət edənlər cəzalandırılmalıdır”.