SON DƏQİQƏ

Ukraynanın Baş prokuroru Yuri Lutsenko vəzifəsini tərk etməkdən imtina edib.

Emtv.az xarici KİV-ə istinadən xəbər verir ki,Lutsenkonun sözlərinə görə, onun işdən çıxarılması ilə bağlı parlamentə göndərilən təqdimat qeyri-qanunidir.

“Məni işdən azad etmək üçün ərizəm və ya Ali Rada deputatlarının mənə olan etimadsızlığı tələb olunur”, – deyə Lutsenko bildirib.

Baş prokuror onu da əlavə edib ki, deputatlar heç vaxt onun vəzifəsindən kənarlaşdırılmasına səs verməyəcək.

Xatırladaq ki, bir müddət əvvəl Ukrayna prezidenti Vladimir Zelenski Baş prokuror Yuri Lutsenkonu vəzifəsindən azad edilməsi haqda parlamentə təqdimat göndərmişdi.

Aysu Əliyeva
Emtv.az